അസാപ് പ്രോഗ്രാം എക്‌സിക്യൂട്ടീവ് പോസ്റ്റിലേക്ക് ഇന്റേണ്‍ഷിപ്പ് അടിസ്ഥാനത്തില്‍ അപേക്ഷ ക്ഷണിച്ചു. 2016 നു ശേഷം 60 ശതമാനം മാര്‍ക്കോടെ എം.ബി.എ പൂര്‍ത്തിയാക്കിയവര്‍ക്കും അവസാന വര്‍ഷ സെമസ്റ്റര്‍ പരീക്ഷാഫലം കാത്തിരിക്കുന്നവര്‍ക്കും അപേക്ഷിക്കാം. ഉദ്യോഗാര്‍ത്ഥികള്‍ രണ്ടു ബയോഡേറ്റയും യോഗ്യത തെളിയിക്കുന്ന സര്‍ട്ടിഫിക്കറ്റുകളുമായി ഏപ്രില്‍ 11 രാവിലെ 10 മണിക്ക് തൈക്കാട് ഗവ: മോഡല്‍ ബോയ്‌സ് ഹയര്‍ സെക്കന്‍ഡറി സ്‌കൂളില്‍ അഭിമുഖത്തിനു ഹാജരാകണം. ഫോണ്‍ : 9497258980.

കേരളാ സർക്കാരിന്റെ നൈപുണ്യ വികസന പദ്ധതിയാണ് അസാപ്( അഡീഷനല്‍ സ്‌കില്‍ അക്വിസിഷന്‍ പ്രോഗ്രാം) . വിദ്യാര്‍ഥികളിലെ കഴിവുകളെ കണ്ടെത്തി പ്രത്യേക പരിശീലനം നല്‍കുക എന്ന ലക്ഷ്യത്തോടെയാണ് അസാപ് പ്രവർത്തിക്കുന്നത് .വിദ്യാർഥികൾക്കു പഠനത്തോടൊപ്പം ഏതെങ്കിലും തൊഴിൽ മേഖലയിലും വ്യവസായ സ്ഥാപനങ്ങളുടെ സഹായത്തോടെപ്രായോഗിക പരിജ്ഞാനം നൽകുന്നതിനാണ് അസാപ് രൂപീകരിച്ചത്.