എംബിബിഎസുകാർക്ക് ആർമി മെഡിക്കൽ കോറിൽ ഷോർട്ട് സർവീസ് കമ്മിഷൻഡ് ഓഫിസറാകാൻ അവസരം. വിജ്ഞാപനം ഉടൻ തന്നെ ഉണ്ടാകും . സ്‌ത്രീകൾക്കും അപേക്ഷിക്കാം. ഓൺലൈനായാണ് അപേക്ഷിക്കേണ്ടത്.. അപേക്ഷ സ്വീകരിക്കുന്ന അവസാന തീയതി: ഏപ്രിൽ 26.

യോഗ്യത:
1956 ഐഎംസി ആക്‌ടിലെ ഫസ്‌റ്റ്/സെക്കൻഡ് ഷെഡ്യൂളിലെ അല്ലെങ്കിൽ തേഡ് ഷെഡ്യൂളിലെ പാർട്ട്–2ൽ പറഞ്ഞിരിക്കുന്ന മെഡിക്കൽ യോഗ്യത. സംസ്‌ഥാന മെഡിക്കൽ കൗൺസിൽ/എംസിഐ/എൻബിഇ സ്‌ഥിരം റജിസ്‌ട്രേഷനുണ്ടായിരിക്കണം. അപേക്ഷകർ ആദ്യത്തേയോ രണ്ടാമത്തേയോ ചാൻസിൽ എംബിബിഎസ് പാസായവരാകണം. 2018 ജൂൺ 30ന് പരീക്ഷ പൂർത്തിയാക്കുന്നവർക്കും അപേക്ഷിക്കാം.

പ്രായം:2018 ഡിസംബർ 31 ന് 45 വയസ് തികയരുത്.

തിരഞ്ഞെടുപ്പ്: ബെംഗളൂരുവിൽ ഇന്റർവ്യൂന്റെ അടിസ്ഥാനത്തിലായിരിക്കും തെരെഞ്ഞെടുപ്പ്.

അപേക്ഷാഫീസ്: 200 രൂപ. ഇന്റർനെറ്റ് ബാങ്കിങ്/ ക്രെഡിറ്റ് കാർഡ്/ ഡെബിറ്റ് കാർഡ് മുഖേന ഓൺലൈൻ ആയി ഫീസ് അടയ്‌ക്കണം. വിശദവിവരങ്ങൾ വിജ്‌ഞാപനത്തിൽ ലഭിക്കും.

അപേക്ഷിക്കേണ്ട വിധം: www.amcsscentry.gov.in എന്ന വെബ്‌സൈറ്റ് വഴി ഓൺലൈൻ റജിസ്‌ട്രേഷൻ നടത്തണം. റജിസ്‌ട്രേഷൻ സംബന്ധിച്ച നിർദേശങ്ങൾ വെബ്‌സൈറ്റിൽ ലഭിക്കും. ഓൺലൈൻ അപേക്ഷയോടൊപ്പം പ്രായം തെളിയിക്കുന്നതിനു പത്താം ക്ലാസ് സർട്ടിഫിക്കറ്റിന്റെ സ്‌കാൻ ചെയ്‌ത കോപ്പി അപ്‌ലോഡ് (200 കെബിയിൽ കൂടാത്ത സൈസിലുള്ള പിഡിഎഫ് ഫോർമാറ്റ്) ചെയ്യണം. കൂടാതെ അപേക്ഷകന്റെ ഫോട്ടോയും (ജെപിഇജി ഫോർമാറ്റിൽ, സൈസ് 100 കെബിയിൽ അധികമാവരുത്) സ്‌കാൻ ചെയ്‌ത് അപ്‌ലോഡ് ചെയ്യണം. ഓൺലൈൻ അപേക്ഷാഫോമിന്റെ പ്രിന്റ് ഔട്ട് താഴെപ്പറയുന്ന രേഖകളും ഇന്റർവ്യൂ സമയത്തു ഹാജരാക്കണം.

പ്രായം തെളിയിക്കുന്നതിന് എസ്‌എസ്‌എൽസി ബുക്ക്.

പെർമനന്റ് മെഡിക്കൽ റജിസ്‌ട്രേഷൻ സർട്ടിഫിക്കറ്റും ഇന്റേൺഷിപ്പ് പൂർത്തീകരിച്ചതിന്റെ സർട്ടിഫിക്കറ്റും.

എംബിബിഎസ്/പിജി ബിരുദ സർട്ടിഫിക്കറ്റ്.

ഫൈനൽ എംബിബിഎസ് അറ്റംപ്‌റ്റ് (പാർട്ട് 1, 2) സർട്ടിഫിക്കറ്റ്.

ഇപ്പോഴത്തെ തൊഴിലുടമ നൽകുന്ന എൻഒസി (ബാധകമായവർക്ക്).

പത്താം ക്ലാസിനു ശേഷം പേരു മാറ്റിയവർ അക്കാര്യം തെളിയിക്കുന്ന ഗസറ്റ് വിജ്‌ഞാപനത്തിന്റെ രേഖ.

എൻസിസി സർട്ടിഫിക്കറ്റ് (എ, ബി, സി)

ഫോറിൻ മെഡിക്കൽ ഗ്രാജുവേറ്റ് ആണെങ്കിൽ പാസ്പോർട്ട്

വിശദ വിവരങ്ങൾക്കു www.amcsscentry.gov.in എന്ന വെബ്സൈറ്റ് സന്ദർശിച്ചാൽ മതി.