സ്റ്റീൽ അതോറിറ്റി ഓഫ് ഇന്ത്യ ലിമിറ്റഡിന്റെ കീഴിൽ പ്രവർത്തിക്കുന്ന ദുർഗാപുർ സ്റ്റീൽ പ്ലാന്റ് (ഡി.എസ് .പി )ആശുപത്രിയിലേക്ക് ട്രെയിനി നഴ്സുമാരുടെ അപേക്ഷ ക്ഷണിക്കുന്നു .ആകെ 130 ഒഴിവുകളാണുള്ളത്.വാക്ക് ഇൻ ഇന്റർവ്യൂ വഴിയാണ് തിരഞ്ഞെടുക്കുന്നത്.ഒന്നര വർഷത്തെക്കായിരിക്കും പരീശീലനം .

യോഗ്യത:ബി എസ് സി നഴ്സിംഗ് അല്ലെങ്കിൽ ജനറൽ നഴ്സിംഗ് ആൻഡ് മിഡ്‌വൈഫറിയിൽ ഡിപ്ലോമ,ഇന്റേൺഷിപ് സർട്ടിഫിക്കറ്റ് ,രജിസ്‌ട്രേഷൻ സർട്ടിഫിക്കറ്റ്.

പ്രായം:22 .04 .2018 നു 30 വയസ്സിൽ കൂടരുത്.എസ് സി ,എസ് ടി വിഭാഗക്കാർക്ക് അഞ്ചും ഓ ബി സി ക്കാർക്ക് മൂന്നും വർഷത്തെ പ്രായ ഇളവ് ലഭിക്കും.

തെരെഞ്ഞെടുക്കുന്നവർക്കു  പ്രതിമാസ സ്റ്റൈപൻഡായി 8000 രൂപ ലഭിക്കും.ഇതിനു പുറമെ ജോലി ചെയ്യുന്ന ദിവസങ്ങളുടെ എണ്ണം കണക്കാക്കി പ്രതിമാസം 7200 രൂപ വരെ നോളേജ് എൻഹാൻസ്മെന്റ് അലോവെൻസുമുണ്ട്.എട്ടു മണിക്കൂർ ഷിഫ്റ്റായിരിക്കും.ആഴ്ചയിൽ ഒരു ദിവസം ഓഫും 15 ദിവസം വാർഷിക അവധിയും ലഭിക്കും.

അപേക്ഷിക്കേണ്ട വിധം:
www.sailcareers .com എന്ന വെബ്‌സൈറ്റിൽ പ്രസിദ്ധികരിച്ചിട്ടുള്ള വിജ്ഞാപനം ശ്രദ്ധയോടെ വായിച്ചു മനസ്സിലാക്കണം.തുടർന്ന് ഇതേ വിജ്‍ഞാപനത്തിനൊപ്പം നൽകിയിട്ടുള്ള അപേക്ഷാഫോമും സമ്മതപത്രവും പൂരിപ്പിച്ചു പാസ്പോര്ട്ട് സൈസ് കളർ ഫോട്ടോ ഒട്ടിച്ചു ഒപ്പിട്ടു dspintake @saildsp .co .in എന്ന മെയിൽ ഐ ഡിയിലേക്കു ഏപ്രിൽ 20 നു മുൻപ് അയക്കണം.പൂരിപ്പിച്ച അപേക്ഷ ഫോമിന്റെ ഒരു കോപ്പി സൂക്ഷിച്ചു വയ്ക്കണം.

അഭിമുഖം:ഏപ്രിൽ 22 നു രാവിലെ 10 മുതൽ പശ്ചിമ ബംഗാളിലെ ദുർഗാപൂരിൽ പ്രവർത്തിക്കുന്ന ഡി എസ് പി മെയിൻ ഹോസ്പിറ്റലിലെ ഡയറക്ടർസ് കോൺഫറൻസ് ഹാളിലാണ് അഭിമുഖഹം നടക്കുക.പൂരിപ്പിച്ച അപേക്ഷ ഫോമിന്റെ സമ്മത പത്രത്തിന്റെ പകർപ്പ് ,നാലു പാസ്പോര്ട്ട് സൈസ് കളർ ഫോട്ടോകൾ,പ്രായം,യോഗ്യത,മുൻപരിചയം എന്നിവ തെളിയിക്കുന്ന രേഖകളുടെ ഒറിജിനലും രണ്ടും സ്വയം  സാക്ഷ്യപ്പെടുത്തിയ പകർപ്പുകൾ,പാൻ/ആധാർ കാർഡ് എന്നിവ സഹിതം അഭിമുഖത്തിനെത്തണം.

അഭിമുഖം സംബന്ധിച്ച സംശയങ്ങൾ ദൂരീകരിക്കാൻ 9434791380 എന്ന ഫോൺ നമ്പറിൽ ബന്ധപ്പെടാം