ശ്രീനാരായണ ട്രസ്റ്റിനു കീഴിലുള്ള വിവിധ കോളജുകളിൽ വിവിധ വിഷയങ്ങളിൽ നിലവിലുള്ള ഒഴിവുകളിലേക്ക് അപേക്ഷിക്കാം. അപേക്ഷ അയക്കേണ്ട അവസാന തീയതി ഏപ്രിൽ 28 ആണ്. നിലവിൽ താഴെ പറയുന്ന യോഗ്യതകൾ ഉള്ളവർ മാത്രം അപേക്ഷിച്ചാൽ മതി. തസ്തികകളും ഒഴിവുകളും യോഗ്യതയും ചുവടെ കൊടുക്കുന്നു.

അസിസ്റ്റന്റ് പ്രൊഫസർ

ഇംഗ്ലിഷ്, മലയാളം, ഹിന്ദി, സംസ്കൃതം, പൊളിറ്റിക്സ്, ഇക്കണോമിക്സ്, ഹിസ്റ്ററി, ജിയോളജി, മാത്തമാറ്റിക്സ്, ഫിസിക്കൽ എജ്യൂക്കേഷൻ, ഫിസിക്സ്, കെമിസ്ട്രി,കൊമേഴ്സ്, ബോട്ടണി, സുവോളജി എന്നീ വിഷയങ്ങളിൽ കേരള സർവകലാശാലയുടെ കീഴിൽ വരുന്ന എസ് എൻ കോളേജുകളിൽ അസിസ്റ്റന്റ് പ്രൊഫസർ മാരുടെ ഒഴിവുകളുണ്ട്. അതുപോലെ കണ്ണൂർ സർവകലാശാലയുടെ കീഴിലുള്ള കോളജുകളിൽ ഹിന്ദി വിഷയത്തിലും നെടുങ്കണ്ടത്തെ എസ്എൻ ട്രെയിനിങ് കോളജിൽ ജനറൽ എജ്യൂക്കേഷൻ, ഫിസിക്കൽ സയൻസ് വിഷയങ്ങളിലും; കാലിക്കറ്റ് സർവകലാശാലയുടെ കീഴിലുള്ള കോളജുകളിൽ ഇംഗ്ലിഷ്, മാത്തമാറ്റിക്സ്, ഫിസിക്സ്, കൊമേഴ്സ് വിഷയങ്ങളിലും അസിസ്റ്റന്റ് പ്രൊഫെസ്സർമാരുടെ ഒഴിവുകളുണ്ട്.

കേരള സർവകലാശാല, കാലിക്കറ്റ് സർവകലാശാല, കണ്ണൂർ സർവകലാശാലയുടെ കീഴിലുള്ള എസ് എൻ കോളജുകളിൽ ലൈബ്രേറിയൻ ഒഴിവുകളിലേക്കും അപേക്ഷിക്കാം.

യുജിസി/എൻസിടിഇ/യൂണിവേഴ്സിറ്റി/ഗവൺമെന്റ് ചട്ടപ്രകാരം ഉള്ള യോഗ്യതകളും പ്രായപരിധിയുമാണ് നിശ്ചയിച്ചിരിക്കുന്നത്.

അപേക്ഷ ഫോറം കൊല്ലം ശ്രീനാരായണ ട്രസ്റ്റ് ഒാഫിസിൽ നിന്നും 500 രൂപയ്ക്കു (മണി ഒാർഡർ 550 രൂപ) ലഭ്യമാണ്. പൂരിപ്പിച്ച അപേക്ഷാഫോറം Manager, Sree Narayana Colleges, Kollam. എന്ന അഡ്രസിലേക്കാണ് അയക്കേണ്ടത്.