ദേവസ്വം റിക്രൂട്ട്‌മെന്റ് ബോര്‍ഡ് കൊച്ചിന്‍ ദേവസ്വം ബോർഡിലെ വിവിധ ഒഴിവുകളിക്കുള്ള വിജ്ഞാപനം പുറപ്പെടുവിച്ചു. ഓൺലൈൻ ആയിട്ടാണ് അപേക്ഷിക്കേണ്ടത്. അവസാന തീയതി ഏപ്രിൽ 28. ഒഴിവുകളുടെ വിശദ വിവരങ്ങൾ ചുവടെ:
ശാന്തി. ശാന്തിക്കാരുടെ 70 ഒഴിവുകളാണുള്ളത്. ശമ്പളം 14,800- 18,000. യോഗ്യത ഒമ്പതാംക്ലാസ് വിദ്യാഭ്യാസം, ശാന്തിജോലിയില്‍ പ്രവൃത്തിപരിചയവും സംസ്‌കൃതത്തില്‍ പരിജ്ഞാനവും ഉണ്ടാവണം. പ്രായപരിധി 18-45. പിന്നാക്കവിഭാഗക്കാര്‍ക്ക് നിയമാനുസൃതം വയസ്സിളവ് ലഭിക്കും.
സംബന്ധി. യോഗ്യത ഏഴാംക്ലാസ് വിദ്യാഭ്യാസം, ചെണ്ട, തിമില, ഇടയ്ക്ക, ചേങ്ങില എന്നീ വാദ്യോപകരണങ്ങള്‍ കൈകാര്യംചെയ്യുന്നതിലുള്ള വൈദഗ്ദ്യം ഉണ്ടാവണം. പ്രായം 18-36
തകില്‍. ഒഴിവ് 3
നാദസ്വരം. ഒഴിവ് 2.
കിടുപിടി. ഒഴിവ് 1.
കുഴല്‍. ഒഴിവ് 4.
ഇലത്താളം. ഒഴിവ് 1.
സോപാനപ്പാട്ട്. ഒഴിവ് 3.
കഴകം. ഒഴിവ് 60.
എല്ലാ വിഭാഗത്തിലേക്കും പിന്നാക്ക വിഭാഗക്കാർക്ക് പ്രായത്തിൽ നിയമാനുസൃത ഇളവ് ലഭിക്കും. ഓരോ തസ്തികയ്ക്കും അപേക്ഷിക്കുന്നതിനുള്ള ഫീസ് 300 രൂപയാണ്. (പട്ടികജാതി/ വര്‍ഗക്കാര്‍ക്ക് 200 രൂപ). ഓരോന്നിനും പ്രത്യേകം അപേക്ഷ സമര്‍പ്പിക്കണം. www.kdrb.kerala.gov.in എന്ന വെബ്‌സൈറ്റില്‍ ഒറ്റത്തവണ റെജിസ്ട്രേഷൻ ചെയ്താൽ മാത്രമേ അപേക്ഷിക്കാനാവു. രജിസ്റ്റര്‍ ചെയ്തവര്‍ തങ്ങളുടെ യൂസര്‍ ഐ.ഡി.യും പാസ്വേഡും ഉപയോഗിച്ച് ലോഗിന്‍ ചെയ്തശേഷമാണ് അപേക്ഷ സമര്‍പ്പിക്കേണ്ടത്.