പതിവിനു വിപരീതമായി ഇത്തവണ ഇന്ത്യയിൽ നിന്ന് 500 നഴ്സുമാരെ റിക്രൂട്ട് ചെയ്യണം എന്ന ആവശ്യവുമായി കുവൈത്ത് ആരോഗ്യമന്ത്രാലയം സംസ്ഥാന സർക്കാരിന്റെ പ്രവാസി കാര്യ വകുപ്പായ നോർക്കയെ സമീപിച്ചു. സാധാരണ നേഴ്സ് റിക്രൂട്ടിട്മെന്റിന് സ്വകാര്യ ഏജൻസികളെ ആശ്രയിക്കുകയാണ് ചെയ്യുന്നത്. എന്നാൽ ഇന്ത്യയിൽനിന്നു നഴ്സുമാരുടെ നേരിട്ടുള്ള റിക്രൂട്മെന്റ് സംബന്ധിച്ചു നോർക്ക പ്രതിനിധി കുവൈത്തിൽ ആരോഗ്യമന്ത്രാ‍ലയം അധികൃതരുമായി ചർച്ച നടത്തിയതിന്റെയും ഇന്ത്യൻ സ്ഥാനപതിയും കുവൈത്ത് ആരോഗ്യമന്ത്രിയുമായി നടത്തിയ കൂടിക്കാഴ്ചയുടെയും പശ്ചാത്തലത്തിലാണ് ആരോഗ്യമന്ത്രാലയം എംബസി വഴി സമീപിച്ചത്.

നഴ്സുമാരെ റിക്രൂട്ചെയ്യാൻ എത്ര കാലതാമസം ഉണ്ടാകുമെന്നും ഇന്ത്യൻ എംബസി വഴി നോർക്കയോട് ആരായുകയും ഒരു മാസത്തിനകം നടപടികൾ പൂർത്തിയാക്കാമെന്നു നോർക്ക ഉറപ്പ് നൽകുകയും ചെയ്തു. ഇതുകൊണ്ട് ഉദ്യോഗാർത്ഥികൾക്ക് വളരെയേറെ നേട്ടങ്ങൾ ഉണ്ട്. അതായത് സ്വകാര്യ ഏജൻസികൾ 25 ലക്ഷം വരെ ഈടാക്കിയ സ്ഥാനത്ത് 20,000 രൂപ സർവീസ് ചാർജ് മാത്രമേ നോർക്ക ഈടാക്കൂ. ജോലി സുരക്ഷയും നോർക്ക ഉറപ്പ് നൽകുന്നു. ഇനി സ്വകാര്യ ഏജൻസികളുടെ തട്ടിപ്പിന് ഇരയാവേണ്ട.