എംജി സര്വകലാശാലയില് മൂല്യനിര്ണയ ശേഷം ഉത്തരക്കടലാസ് കോപ്പി ഇമെയില് വഴി തിരിച്ചു കൊടുക്കുന്നു
മൂല്യനിര്ണയം കഴിഞ്ഞ ഉത്തരക്കടലാസിന്റെ കോപ്പി വിദ്യാര്ഥികള്ക്കു തിരിച്ചുകൊടുക്കാന് എംജി സര്വകലാശാല ആലോചിക്കുന്നു. മൂല്യനിര്ണയത്തില് വിശ്വാസ്യതയും സുതാര്യതയും ഉറപ്പുവരുത്താനാണ് ഈ നടപടി. ഓരോ ഉത്തരത്തിനും എത്ര മാര്ക്ക് കിട്ടിയെന്നു വിദ്യാര്ഥികള്ക്ക് അറിയാനും കഴിയും. മൂല്യനിര്ണയത്തിനു ശേഷം ഉത്തരക്കടലാസുകള് സ്കാന് ചെയ്ത് ഇ-മെയില് വഴി അയയ്ക്കാന് പ്രത്യേക വിഭാഗത്തെ ചുമതലപ്പെടുത്താനാണ് ആലോചന.
ഇതിന്റെ നടപടിക്രമങ്ങളും സാധ്യതകളും അടുത്ത സിന്ഡിക്കറ്റ് യോഗത്തില് ചര്ച്ചചെയ്യുമെന്ന് എംജി സര്വകലാശാലാ വൈസ് ചാന്സലര് ഡോ. ബാബു സെബാസ്റ്റിയന് പറഞ്ഞു. രാജ്യത്തു ചുരുക്കം ചില സര്വകലാശാലകള് ഈ രീതി നടപ്പാക്കിയിട്ടുണ്ട്. ഈ സേവനത്തിനു വിദ്യാര്ഥികളില്നിന്ന് ചെറിയൊരു ഫീസും ഈടാക്കുന്നുണ്ട്.
https://www.facebook.com/Malayalivartha