വിദ്യാഭ്യാസ സഹായ പദ്ധതി: റജിസ്ട്രേഷന് പൂര്ണമായും ഓണ്ലൈന് വഴിയാക്കി
മാതാപിതാക്കള് നഷ്ടപ്പെട്ട കുട്ടികളുടെ വിദ്യാഭ്യാസം മുടങ്ങാതിരിക്കാന് സാമൂഹിക നീതി വകുപ്പ് നടപ്പാക്കിയ \'സ്നേഹപൂര്വം പദ്ധതിയിലേക്കുള്ള റജിസ്ട്രേഷന് പൂര്ണമായും ഓണ്ലൈന് വഴിയാക്കിയതായി മന്ത്രി എം.കെ. മുനീര് പറഞ്ഞു. അച്ചടിച്ച അപേക്ഷാ ഫോമില് നേരത്തേ ലഭിച്ച അപേക്ഷകളില് നിറയെ തെറ്റുകള് കണ്ടെത്തിയതിനെ തുടര്ന്നാണ് ഓണ്ലൈന് അപേക്ഷകള് സ്വീകരിക്കാന് തീരുമാനിച്ചത്.
ഓണ്ലൈന് അപേക്ഷ സമര്പ്പിക്കേണ്ടതു സ്കൂളിലെ പ്രധാന അധ്യാപകനാണ്. ഇതിനുള്ള പരിശീലനം അധ്യാപകര്ക്കു നല്കിയെന്നും മന്ത്രി പറഞ്ഞു. അച്ചടിച്ച ഫോമില് \'സ്നേഹപൂര്വം പദ്ധതിയിലേക്ക് അപേക്ഷ നല്കിയവര് വീണ്ടും ഓണ്ലൈന് വഴി അപേക്ഷ നല്കണമെന്നും അദ്ദേഹം പറഞ്ഞു. പിതാവോ മാതാവോ നഷ്ടപ്പെട്ട കുട്ടികള്, മാതാപിതാക്കള് രണ്ടു പേരും നഷ്ടപ്പെട്ട കുട്ടികള് എന്നിവരുടെ പഠന സഹായത്തിനാണു \'സ്നേഹപൂര്വം പദ്ധതി.
കുട്ടികളുടെ പഠനത്തിനായി അഞ്ചാം ക്ലാസ് വരെ 300 രൂപയും ആറു മുതല് പത്താം ക്ലാസ് വരെ 500 രൂപയും പ്ലസ് ടു ക്ലാസുകളില് 750 രൂപയും കോളജില് 1000 രൂപയുമാണു പഠന സഹായം. ഗുണഭോക്താക്കളായ വിദ്യാര്ഥികള് എസ്എസ്എല്സി, പ്ലസ് ടു പരീക്ഷകളില് മുഴുവന് വിഷയങ്ങള്ക്കും എ-പ്ലസ് നേടിയാല് അധിക സാമ്പത്തിക സഹായം നല്കുന്ന കാര്യം പരിഗണനയിലാണെന്നും മന്ത്രി അറിയിച്ചു. മാര്ച്ച് 31 വരെ ലഭിച്ച അപേക്ഷകളില് സഹായ വിതരണം ആരംഭിച്ചു. അതിനു ശേഷം ലഭിച്ച അപേക്ഷകളില് പരിശോധനകള് നടക്കുകയാണെന്നും അദ്ദേഹം പറഞ്ഞു. വെബ്സൈറ്റ് : www.socialsecuritymission.gov.in
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha