മാനവിക വിഷയങ്ങളില് യുജിസി നെറ്റ് ജൂണ് 28ന്
മാനവിക വിഷയങ്ങളില് അസി. പ്രൊഫസര്/ ജൂനിയര് റിസര്ച്ച് ഫെലോഷിപ്പ് യോഗ്യതയ്ക്ക് യുജിസി നടത്തുന്ന ദേശീയ യോഗ്യതാ നിര്ണയ പരീക്ഷ (നെറ്റ്)യ്ക്ക് അപേക്ഷിക്കാം. ജൂണ് 28നാണ് പരീക്ഷ. 84 മാനവിക വിഷയങ്ങളിലാണ് നെറ്റ്്. ഹ്യുമാനിറ്റീസ് (ഭാഷകള് ഉള്പ്പെടെ), സോഷ്യല് സയന്സസ്, കംപ്യൂട്ടര് സയന്സ്, ഇലക്ട്രോണിക്സ് സയന്സ് വിഷയങ്ങളില് ഏതെങ്കിലുമൊന്നില് ബിരുദാനന്തര ബിരുദം 55 ശതമാനം മാര്ക്കോടെ (എസ്സി/എസ്ടിക്ക് 50 ശതമാനം) പാസായവര്ക്ക് പരീക്ഷ എഴുതാം. അവസാനവര്ഷ പരീക്ഷ എഴുതുന്നവര്ക്കും പരീക്ഷാഫലം കാത്തിരിക്കുന്നവര്ക്കും അപേക്ഷിക്കാം.
1991 സെപ്തംബര് 19നുമുമ്പ് ബിരുദാനന്തര ബിരുദ പരീക്ഷയ്ക്കിരുന്ന പിഎച്ച്ഡി യോഗ്യതയുള്ളവര്ക്ക് യോഗ്യതാ മാര്ക്കില് അഞ്ചുശതമാനം ഇളവ്. 2015 ജൂണ് ഒന്നിന് 28 വയസ്സാണ് ഉയര്ന്ന പ്രായപരിധി. (എസ്സി/എസ്ടി/വികലാംഗര്/ഒബിസി/വനിതകള് എന്നിവര്ക്ക് ഉയര്ന്ന പ്രായപരിധിയില് അഞ്ചുവര്ഷ ഇളവുണ്ട്. ഗവേഷണം കഴിഞ്ഞവര്ക്ക് അഞ്ചുവര്ഷവും എല്എല്എം ബിരുദമുള്ളവര്ക്ക് മൂന്നുവര്ഷവും ഉയര്ന്ന പ്രായപരിധിയില് ഇളവുണ്ട്. ലക്ചര്ഷിപ്പിന് (നെറ്റ്) ഉയര്ന്ന പ്രായപരിധിയില്ല. നെറ്റ് വിഷയങ്ങളെക്കുറിച്ചും വിവരങ്ങള്ക്കും അപേക്ഷാഫോറത്തിനും www.cbsenet.nic.in വെബ്സൈറ്റ് കാണുക. മെയ് 15 വരെ ഈ വെബ്സൈറ്റിലൂടെ ഓണ്ലൈനായി അപേക്ഷിക്കാം.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha