ജൂണ്‍ ഏഴിന് നടത്തിയ സ്‌റ്റേറ്റ് എലിജിബിലിറ്റി ടെസ്റ്റിന്റെ ഫലം പ്രസിദ്ധീകരിച്ചു. പിആര്‍ഡിയിലും www.lbscentre.org, www.lbskerala.com  എന്നീ വെബ് സൈറ്റുകളിലും ലഭ്യമാണ്. 23,071 പേര്‍ പരീക്ഷ എഴുതിയതില്‍ 6622 പേര്‍ വിജയിച്ചു. വിജയശതമാനം 28.70. പാസ്സായവരുടെ ലിസ്റ്റില്‍ ഉള്‍പ്പെട്ടിട്ടുള്ളവര്‍ അവരുടെ സെറ്റ് സര്‍ട്ടിഫിക്കറ്റുകള്‍ ലഭിക്കാനുള്ള അപേക്ഷാഫോറം എല്‍ബിഎസ് സെന്ററിന്റെ വെബ് സൈറ്റില്‍ നിന്നും ഡൗണ്‍ലോഡ് ചെയ്ത് പൂരിപ്പിച്ച് മതിയായ രേഖകളുടെ ഗസറ്റഡ് ആഫീസര്‍ സാക്ഷ്യപ്പെടുത്തിയ പകര്‍പ്പ്, 30 രൂപയുടെ സ്റ്റാമ്പ് ഒട്ടിച്ച് സ്വന്തം മേല്‍വിലാസം എഴുതിയ എ 4 വലിപ്പത്തിലുള്ള കവര്‍ സഹിതം ഡയറക്ടര്‍, എല്‍ ബി എസ് സെന്റര്‍ ഫോര്‍ സയന്‍സ് ആന്റ് ടെക്‌നോളജി, പാളയം, തിരുവനന്തപുരം33 എന്ന വിലാസത്തില്‍ എത്തിക്കണം.

എസ്എസ്എല്‍സി സര്‍ട്ടിഫിക്കറ്റില്‍ പേര് ഉള്‍പ്പെടുന്ന പേജിന്റെ പകര്‍പ്പ്, ബിരുദാനന്തരബിരുദ സര്‍ട്ടിഫിക്കറ്റും, മാര്‍ക്ക്‌ലിസ്റ്റും, അംഗീകാര സര്‍ട്ടിഫിക്കറ്റ് (കേരളത്തിനു പുറത്തുള്ള ബിരുദങ്ങള്‍ക്ക് മാത്രം), പ്രോസ്‌പെക്ടസിലെ ഖണ്ഡിക 2.2ല്‍ പറഞ്ഞിട്ടില്ലാത്ത വിഷയങ്ങളില്‍ ബിരുദാനന്തര ബിരുദം നേടിയവര്‍ തങ്ങളുടെ വിഷയങ്ങളുടെ തുല്യതാ സര്‍ട്ടിഫിക്കറ്റ്, പട്ടികജാതി, പട്ടികവര്‍ഗ, പിന്നോക്ക (നോണ്‍ ക്രിമീലെയര്‍) വിഭാഗത്തില്‍ അപേക്ഷ നല്‍കി വിജയിച്ചവര്‍ അവരുടെ ജാതി/നോണ്‍ക്രീമീലെയര്‍ സര്‍ട്ടിഫിക്കറ്റ്, പിഎച്ച്, വിഎച്ച് വിഭാഗത്തില്‍ അപേക്ഷ നല്‍കി വിജയിച്ചവര്‍ അവരുടെ വൈകല്യം തെളിയിക്കുന്ന ബന്ധപ്പെട്ട രേഖകളുടെ അസ്സല്‍ ഇവ ഹാജരാക്കണം. മുമ്പ് ഹാജരാക്കിയവര്‍ക്ക് ബാധകമല്ല. സര്‍ട്ടിഫിക്കറ്റുകള്‍ നവംബര്‍ മുതല്‍ വിതരണം ചെയ്യുും. വിവരങ്ങള്‍ക്ക് 0471 2560311, 312,313.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha