സ്ഥിരമായി ഉപയോഗിക്കുന്നവർക്ക് മെസ്സേജ് പിൻ ചെയ്ത് വെക്കാനുള്ള ഓപ്ഷനുമായി കഴിഞ്ഞ ദിവസമാണ് വാട്ട്സാപ്പ് അപ്ഡേറ്റ് എത്തിയത്. ഇത് ഉപയോക്താക്കൾക്ക് ഏറെ പ്രയോജനപ്രദമാണ്. പല ഗ്രൂപ്പുകളിൽ നിന്നും ചാറ്റിൽ നിന്നും ആയിരകണക്കിന് മെസെജുകലാണ് ഫോണിൽ കുന്നുകൂടുക. അപ്പോൾ ആവശ്യമുള്ള ചാറ്റുകൾ കണ്ടെത്താൻ പ്രയാസമായിരിക്കും. അപ്പോൾ ഒരു ഗ്രൂപ്പിലെ അല്ലെങ്കിൽ ചാറ്റിലെ പ്രധാനപ്പെട്ട മെസ്സേജ് മാത്രം പിൻ ചെയ്ത് വെയ്ക്കാൻ ഈ അപ്ഡേറ്റ് സഹായിക്കും. നിലവിൽ മൂന്ന് ചാറ്റ് വരെയാണ് ചാറ്റ് ഫീഡിന് മുകളിലായി പിൻ ചെയ്ത് വെയ്ക്കാൻ കഴിയുന്നത്. ഈ ഫീച്ചറിലാണ് വാട്ട്സാപ്പ് മാറ്റം കൊണ്ടുവരുന്നത്. വാട്ട്സാപ്പ് തുറക്കുമ്പോൾ തന്നെ പ്രാധാന്യമില്ലാത്ത ഗ്രൂപ്പുകളും മറ്റും സ്ക്രോൾ ചെയ്ത് താഴെ പോകാതെ അഞ്ച് പ്രധാനപ്പെട്ട ചാറ്റുകളും ഉപയോക്താക്കൾക്ക് കണ്ടെത്താം. പുതിയ അപ്ഡേറ്റിനെ കുറിച്ച് വാബെറ്റ് ഇൻഫോയാണ് റിപ്പോർട്ട് ചെയ്തിരിക്കുന്നത്.

വാട്ട്സാപ്പിൽ ചാറ്റുകൾ പിൻ ചെയ്യാനായി: ആൻഡ്രോയിഡ് ഫോണിൽ

ആപ്പ് തുറന്ന് ഏതെങ്കിലും ഗ്രൂപ്പോ ചാറ്റോ തിരഞ്ഞെടുക്കണം
അതിൽ പ്രസ് ചെയ്ത് പിടിച്ച് ചാറ്റ് സെലക്ട് ചെയ്യുക
സെലക്ട് ആകുമ്പോൾ ചാറ്റ് ഐക്കണിൽ ഒരു ‘ഗ്രീൻ ടിക്’ ദൃശ്യമാകും
ആപ്പിന്റെ ഏറ്റവും മുകളിലായി കാണുന്ന മൂന്ന് ഓപ്ഷനുകളിൽ ഇടത് ഭാഗത്തെ ‘പിൻ’ രൂപത്തിലുള്ള ഓപ്ഷൻ ക്ലിക്ക് ചെയ്യുക
അതോടെ ആ ചാറ്റ് ‘പിൻ’ ചെയ്യപ്പെടും

വാട്ട്സാപ്പിൽ ചാറ്റുകൾ പിൻ ചെയ്യാനായി: ഐ.ഒ.എസ് / ഡെസ്ക്ടോപ്പ്

ഐ.ഒ.എസ്: വാട്ട്‌സാപ്പ് തുറന്ന് പിൻ ചെയ്യാൻ ആഗ്രഹിക്കുന്ന ചാറ്റ് വലത്തേക്ക് സ്വൈപ്പ് ചെയ്യണം. പിൻ ചെയ്യാനുള്ള ഓപ്ഷൻ ദൃശ്യമാകും

ഡെസ്ക്ടോപ്പ്: ചാറ്റിന്റെ മുകളിൽ മൗസ് വെച്ച് റൈറ്റ് ക്ലിക്ക് ചെയ്യുക. ചാറ്റ് പിൻ ചെയ്യാനുള്ള ഓപ്ഷൻ തെളിഞ്ഞുവരും.