സൽമാൻ ഖാന് നേരെ വധഭീഷണി മുഴക്കിയ ആൾ പിടിയിൽ. രാജസ്ഥാൻ സ്വദേശിയായ ബികാറാം ജലറാം ബിഷ്‌ണോയെ ആണ് മുംബൈ പൊലീസ് അറസ്റ്റ് ചെയ്തത്. ഇയാളെ കർണാടകയിൽ നിന്നാണ് പോലീസ് പിടികൂടിയത്. ലോറൻസ് ബിഷ്‌ണോയിയുടെ സഹോദരൻ എന്ന് പറഞ്ഞുകൊണ്ട് നവംബർ അഞ്ചിന് ആണ് ഭീ ഷണി സന്ദേശമെത്തിയത്.

സൽമാൻ ഖാൻ ജീവനോടെ ഇരിക്കണമെങ്കിൽ അദ്ദേഹം ഞങ്ങളുടെ ക്ഷേത്രത്തിൽ പോയി മാപ്പ് ചോദിക്കുകയോ അഞ്ച് കോടി രൂപ നൽകുകയോ വേണം. ഇത് ചെയ്തില്ലെങ്കിൽ ഞങ്ങൾ അദ്ദേഹത്തെ കൊ ല്ലും. ഞങ്ങളുടെ സംഘം ഇപ്പോഴും ആക്റ്റീവാണ് എന്നാണ് ഭീ ഷണി സന്ദേശത്തിൽ പറഞ്ഞത്. 32കാരനായ ബികാറാം ലോറൻസ് ബിഷ്‌ണോയിയുടെ സഹോദരനാണെന്നാണ് അവകാശപ്പെടുന്നത്.

ലോറൻസ് ബിഷ്ണോയിയുമായുള്ള ശത്രുത അവസാനിപ്പിക്കാനും ജീവനോടെ ഇരിക്കാനും അഞ്ചു കോടി രൂപ ഞങ്ങൾക്ക് നൽകണം. പണം നൽകിയില്ലെങ്കിൽ വെ ടിയേറ്റ് കൊല്ലപ്പെട്ട മുൻ മന്ത്രിയും എൻ.സി.പി നേതാവുമായ ബാബ സിദ്ദീഖിയുടേതിനേക്കാൾ മോശമാകും സൽമാൻ ഖാന്റെ അവസ്ഥയെന്നുമാണ് ഭീ ഷണി സന്ദേശത്തിൽ പറഞ്ഞിരുന്നത്.

അതേസമയം, നേരത്തെ സൽമാൻ ഖാന്റെ വസതിയ്ക്ക് നേരെ വെടിയുതിർത്ത സംഭവത്തിൽ ബിഷ്‌ണോയി സംഘത്തിലെ അഞ്ച് പേരെ അന്വേഷണ സംഘം അറസ്റ്റ് ചെയ്തിരുന്നു.