കോവിഡ് മഹാമാരിയിൽ മലയാളം സിനിമ എങ്ങനെ വിപപണിയെ നയിക്കണമെന്ന തീരുമാനിച്ചത് ഒടിടി റിലീസുകളായിരുന്നു. ഇക്കൂട്ടത്തില്‍ ആദ്യം തന്നെ വിജയിച്ചത് ഫഹദ് ഫാസിലിന്റെ സി യു സൂണ്‍ ആയിരുന്നു. ഈ സിനിമ ഓണ്‍ലൈന്‍ പ്ലാറ്റ്‌ഫോമില്‍ വിജയിച്ചതാടോ പരീക്ഷണങ്ങളുമായി കൂടുതല്‍ പേര്‍ ഉടൻ തന്നെ രംഗത്ത് എത്തിയിരുന്നു.

കൂടാതെ മറ്റുചില സിനിമകളുമായി ഫഹദ് ഒടിടികളിൽ സജീവമാവുകയാണ്. ഇപ്പോളിതാ ഫഹദിനെ വിലക്കു ഭീഷണിയുമായി തീയറ്റര്‍ സംഘടനയായ ഫിയോക്ക് രംഗത്തുവന്നു എന്ന രീതിയിൽ വാർത്തകൾ പ്രചരിച്ചിരുന്നു.

തുടര്‍ച്ചയെയായി ഫഹദ് ഫാസില്‍ ചിത്രങ്ങള്‍ ഒടിടിയിലൂടെ റിലീസ് ചെയ്യുന്ന സാഹചര്യത്തിലാണ് ഫിയോക്കിന്റെ മുന്നറിയിപ്പ് എനന്നായിരുന്നു വാർത്ത. എന്നാൽ ഒ ടിടി സിനിമകളുമായി സഹകരിച്ചാൽ നടൻ ഫഹദ് ഫാസിലിനെ വിലക്കിയേക്കുമെന്ന വാർത്തകൾ അടിസ്ഥാന രഹിതമെന്ന് തിയറ്റർ സംഘടനയായ ഫിയോക്ക് വ്യക്തമാക്കിയിരിക്കുകയാണ്.

രണ്ടു തവണ ഫഹദിന്റെ സിനിമ ഒടിടിയിൽ റിലീസ് ചെയ്തിരുന്നു. ഇതിന്റെ വിശദീകരണം അറിയുവാനാണ് വിളിച്ചതെന്നും ഫിയോക്ക് അംഗങ്ങൾ മാധ്യമങ്ങളോട് പറഞ്ഞു.

മാത്രവുമല്ല രണ്ട് ചിത്രങ്ങളും ലോക്ഡൗണ്‍ സമയത്ത് ഒടിടിക്കു വേണ്ടി മാത്രം ഷൂട്ട് ചെയ്തതായിരുന്നുവെന്നും അദ്ദേഹം പറഞ്ഞതായി ഫിയോക് അംഗങ്ങൾ പറഞ്ഞു. മാത്രമല്ല ഒടിടി സിനിമകളുമായി ഉടന്‍ സഹകരിക്കുന്നില്ലെന്ന ഉറപ്പും ഫഹദ് നൽകിയതായും ഇവർ വ്യക്തമാക്കി.

കഴിഞ്ഞ ദിവസങ്ങളിലായി ഇരുള്‍, ജോജി എന്നീ ചിത്രങ്ങള്‍ നെറ്റ്ഫ്‌ളിക്‌സ്, ആമസോണ്‍ പ്രൈം എന്നീ ഓണ്‍ലൈന്‍ പ്ലാറ്റ്ഫോമുകളിലൂടെ റിലീസ് ചെയ്തിരുന്നു. ഇരുളിന് സമ്മിശ്ര അഭിപ്രായം ലഭിച്ചപ്പോള്‍ ജോജിക്ക് മികച്ച പ്രേക്ഷക പ്രതികരണമാണ് പ്രേക്ഷകരിൽ നിന്നും ലഭിച്ചത്.