മമ്മൂട്ടിയുടെ ഡ്രീം പ്രൊജക്ടായ കര്‍ണന് ഡേറ്റ് തടസമാകുന്നു. ഇതോടെ പി ശ്രീകുമാര്‍ തിരക്കഥയൊരുക്കി മമ്മൂട്ടി നായകനാകുന്ന ഇതിഹാസ കഥാപാത്രം കര്‍ണ്ണന്റെ കഥ പറയുന്ന ചിത്രം വൈകിയേക്കുമെന്ന് സൂചന. ചിത്രത്തിന് കൊടുക്കാന്‍ മമ്മൂട്ടിക്ക് ഡേറ്റില്ലാത്തതാണ് കാരണം. മധുപാല്‍ സംവിധാനം ചെയ്യുന്ന ചിത്രത്തിന്റെ ചിത്രീകരണത്തിന് കുറഞ്ഞത് നൂറ് ദിവസമെങ്കിലും വേണ്ടിവരും.
അതേ സമയം, പൃഥ്വിരാജിനെ നായകനാക്കി ആര്‍ .എസ് .വിമല്‍ സംവിധാനം ചെയ്യുന്ന കര്‍ണന്റെ തിരക്കഥ പൂര്‍ത്തിയായി. ചിത്രത്തിന്റെ ചിത്രീകരണം വൈകാതെ ആരംഭിക്കും.
ഇതോടെ മമ്മൂട്ടിയുടെ കര്‍ണന്റെ വരവ് രണ്ടാം സ്ഥാനത്തായിപ്പോകും. ഇപ്പോള്‍ ചെയ്തു കൊണ്ടിരിക്കുന്ന ചിത്രങ്ങളുടെ തിരക്കുകള്‍ കാരണം മമ്മൂട്ടിക്ക് ഇത്രയും ദിവസം ഒരുമിച്ച് നല്‍കാനുണ്ടാവില്ല. മമ്മൂട്ടിയുടെ തിരക്കുകള്‍ കഴിയുന്നത് വരെ ചിത്രീകരണം മാറ്റിവയ്ക്കാനാണ് തീരുമാനം.
പി . ശ്രീകുമാറിന്റെ തിരക്കഥയില്‍ ഒരുങ്ങുന്ന ചിത്രത്തിന്റെ ഒരുക്കങ്ങള്‍ തുടങ്ങിയിട്ട് നാളേറെയായി. വളരെയധികം പഠനങ്ങള്‍ക്കും ഗവേഷണങ്ങള്‍ക്കും ശേഷമാണ് തിരക്കഥ തന്നെ പൂര്‍ത്തിയാക്കിയത്.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha