അവതരണ രംഗത്തേക്ക് തമാശയും കളിയും ചിരിയുമെല്ലാം കൂട്ടിക്കലര്‍ത്തി വ്യത്യസ്തത കാണ്ടുവന്ന ബബ്ലി സ്റ്റാറാണ് പേളി മാണി. മഴവില്‍ മനോരമയിലെ ഡി ഫോര്‍ ഡാന്‍സിലെ അവതാരകയായി വന്നതോടെ പേളിയുടെ ആരാധകരും കൂടി. കേളീ പേളീ മാണിയുടെ വിവാഹം കഴിഞ്ഞു. ഗോസിപ്പായിരിക്കുമെന്നു കരുതി തള്ളിക്കളയും മുമ്പ് കേട്ടോളൂ സംഗതി പുറത്തുവിട്ടത് പേളി മാണി തന്നെയാണ്. ഡി ഫോര്‍ ഡാന്‍സ് സീസണ്‍ ത്രിയുടെ വേദിയില്‍ വച്ചാണ് താന്‍ വിവാഹിതയായി കാര്യം പേളി തുറന്നു പറഞ്ഞത്.
രഹസ്യമായി വിവാഹം കഴിച്ചതിന് ജഡ്ജസായ പ്രിയാമണി, പ്രസന്ന മാസ്റ്റര്‍, നീരവ് ബാവ്‌ലേച എന്നിവരോടു ക്ഷമ ചോദിയ്ക്കുന്നുമുണ്ട് പേളി. വിവാഹിതയായ കാര്യം താന്‍ മന:പ്പൂര്‍വം മറച്ചു വച്ചതല്ലെന്നും ഒരു ദുര്‍ബല നിമിഷത്തില്‍ സംഭവിച്ചു പോയതാണെന്നും പേളി പറയുന്നു. അതൊരു പ്രണയ വിവാഹമായിരുന്നു. ഈ പ്രണയം ഇന്നും ഇന്നലെയും തുടങ്ങിയതല്ല. ഒന്നാമത്തെ വയസില്‍ തുടങ്ങിയതാണെന്നും ആദ്യമായി കാണിച്ചു തന്നത് അമ്മയാണെന്നും പറഞ്ഞപ്പോള്‍ ജഡ്ജസ് ഒന്നു ഞെട്ടി.അവസാനം തന്റെ പ്രാണനാഥന്റെ പേരു പേളി വെളിപ്പെടുത്തി. നമുക്കെല്ലാം സുപരിചിതനായ മാനത്തു തെളിയുന്ന ചന്ദ്രനായിരുന്നത്രേ പേളിയുടെ പ്രാണനാഥന്‍. എല്ലാ മാസവും തന്നെത്തേടി പ്രകാശവുമായി കടന്നുവരുന്ന ചന്ദ്രന്‍ അന്നേ മനസു കീഴടക്കിയിരുന്നു.
എന്തായാലും തന്റെ വിശുദ്ധ പ്രണയത്തെ ഒരു ഗാനത്തിലൂടെ സദസില്‍ അവതരിപ്പിയ്ക്കുകയും ചെയ്തു പേളി. പേളിയുടെ വരന്‍ ചന്ദ്രന്‍ ആയിരുന്നുവെന്നു കേട്ടതോടെ ആരാധകരും സമാധാനത്തിലായി.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha