മഹാസഖ്യ സര്ക്കാരിനെ വീഴ്ത്തി നിതീഷ്കുമാര് രാജിവച്ചു..! ജെ.ഡി.യു– ബി.ജെ.പി സഖ്യ സര്ക്കാര് അധികാരമേല്ക്കും..സത്യപ്രതിജ്ഞ ഇന്ന്..!
മഹാസഖ്യ സര്ക്കാരിനെ വീഴ്ത്തി ബിഹാറില് മുഖ്യമന്ത്രി നിതീഷ്കുമാര് രാജിവച്ചു. ജെ.ഡി.യുവിന്റെ നിയമസഭാകക്ഷി യോഗത്തിന് പിന്നാലെ രാജ്ഭവനിലെത്തി ഗവര്ണറെ കണ്ട് നിതീഷ് രാജിക്കത്ത് കൈമാറുകയായിരുന്നു. വൈകുന്നേരം നാലുമണിയോടെ ജെ.ഡി.യു– ബി.ജെ.പി സഖ്യ സര്ക്കാര് അധികാരമേല്ക്കും. ജെ.ഡി.യു, ബി.ജെ.പി, എച്ച്.എ.എം പാര്ട്ടികള് മന്ത്രിസഭയില് അംഗങ്ങളാകുമെന്നാണ് പുറത്തുവരുന്ന ധാരണ. വിഡിയോ റിപ്പോര്ട്ട് കാണാം.
അതിനിടെ കോണ്ഗ്രസ് എംഎല്എമാരില് പകുതിയോളം പേരും നിതീഷ്കുമാറിനൊപ്പമെന്നും റിപ്പോര്ട്ടുകളുണ്ട്. 11 മണിക്ക് കോണ്ഗ്രസ് എംഎല്എമാരുടെ യോഗം വിളിച്ചിരുന്നുവെങ്കിലും പകുതിയോളംപേരെ ബന്ധപ്പെടാനായിരുന്നില്ല. ഇന്നലെ ചേര്ന്ന യോഗത്തില് രണ്ട് എംഎല്എമാര് മാത്രമാണ് പങ്കെടുത്തത്. അതേസമയം, ബിജെപിക്കെതിരായ പോരാട്ടം ഒറ്റക്കെട്ടായി തുടരണമെന്ന് ആര്ജെഡി നേതാവ് തേജസ്വി യാദവ് എംഎല്എമാരോട് അഭ്യര്ഥിച്ചു.
https://www.facebook.com/Malayalivartha
