ഡോക്ടര്‍മാര്‍ക്കും നഴ്സുമാര്‍ക്കും ആരോഗ്യ പ്രവര്‍ത്തകര്‍ക്കും മറ്റുമുള്ള ആദരം; ഇന്ത്യയുടെ ബാറ്റിങ് ഇതിഹാസം സച്ചിന്റെ 47ാം പിറന്നാള്‍ ആഘോഷങ്ങളേതുമില്ലാതെ
ഇന്ത്യയുടെ ബാറ്റിങ് ഇതിഹാസം സച്ചിന്റെ 47ാം പിറന്നാള്‍ ആഘോഷങ്ങളേതുമില്ലാതെയായിരുന്നു. രാവിലെ അമ്മ രജനി ടെണ്ടുല്‍ക്കറിന്റെ പാദം തൊട്ടു വന്ദിച്ച്‌ അനുഗ്രഹം വാങ്ങി. അമ്മ സമ്മാനിച്ച ഗണപതിയുടെ ചിത്രം സന്തോഷത്തോടെ ഏറ്റുവാങ്ങി. പിറന്നാള്‍ ആഘോഷം ഒഴിവാക്കിയതിന് മാസ്റ്റര്‍ ബ്ലാസ്റ്റര്‍ക്ക് കാരണവുമുണ്ട്.
കോവിഡ് മഹാമാരിക്കെതിരെ പൊരുതുന്ന ആരോഗ്യ പ്രവര്‍ത്തകര്‍ക്കുള്ള ആദരവായാണ് താരം ലളിതമായി ജന്മദിനം കൊണ്ടാടിയത്. 'ഇന്ന് എന്റെ ദിനം ആരംഭിച്ചത് അമ്മയുടെ അനുഗ്രഹം വാങ്ങിയാണ്. അമ്മ എനിക്ക് തന്ന ഗണപതിയുടെ ചിത്രവും ഞാന്‍ ഇവിടെ പങ്കുവെക്കുന്നു... ശരിക്കും വിലമതിക്കാനാവാത്തത് '-സചിന്‍ ട്വിറ്ററില്‍ കുറിച്ചു.
'ഇൗ സാഹചര്യം ഒരു ആഘോഷം നടത്താനുള്ള സമയമല്ല. കോവിഡ് 19 വൈറസ് ബാധയെ പിടിച്ചുകെട്ടാന്‍ മുന്നില്‍ നിന്ന് പരിശ്രമിക്കുന്ന ഡോക്ടര്‍മാര്‍ക്കും നഴ്സുമാര്‍ക്കും ആരോഗ്യ പ്രവര്‍ത്തകര്‍ക്കും പൊലീസുകാര്‍ക്കും ആര്‍മിക്കും ആദരവ് അര്‍പ്പിക്കാന്‍ ഏറ്റവും മികച്ച അവസരമായാണ് ഇൗ പിറന്നാളിനെ ഞാന്‍ കാണുന്നത്' -സചിനുമായി ബന്ധപ്പെട്ട വൃത്തങ്ങള്‍ അറിയിച്ചതായി പി.ടി.ഐ റിപ്പോര്‍ട്ട് ചെയ്തു.
https://www.facebook.com/Malayalivartha
