ബ്രാഞ്ച് പോസ്റ്റ് മാസ്റ്റർ (ബിപിഎം), അസിസ്റ്റന്റ് ബ്രാഞ്ച് പോസ്റ്റ് മാസ്റ്റർ (എബിപി), ഡാക് സേവക്‌സ്, ഡ്രൈവർ, ആർട്ടിസൻസ്, മെയിൽ ഗാർഡ്, പോസ്റ്റ്മാൻ, മൾട്ടി ടാസ്‌കിംഗ് സ്റ്റാഫ് ഒഴിവുകൾ എന്നിങ്ങനെ ധാരാളം ഒഴിവുകളാണ് തപാൽ വകുപ്പിൽ ഉള്ളത് . 2017-ലാണ് പോസ്റ്റ്‌മാൻ തസ്തികയിലേക്ക് നേരിട്ടുള്ള നിയമനം തപാൽവകുപ്പ് അവസാനിപ്പിച്ചത്. തുടർന്ന് ഓരോ വർഷവും ഗ്രാമീൺ ഡാക് സേവക് വിഭാഗത്തിലുള്ളവർക്ക് പ്രത്യേക പരീക്ഷ നടത്തിയാണ് ഒഴിവുകൾ നികത്തിയിരുന്നത്.

സംസ്ഥാനമൊട്ടാകെ ഉള്ള 59099 പോസ്റ്റ്മാൻ തസ്തികകളിലേക്ക് ആണ് ഇപ്പോൾ അപേക്ഷകൾ സ്വീകരിക്കുന്നത് . എല്ലാ സംസ്ഥാനങ്ങളിലെക്കും ഒഴിവുകൾ ഉണ്ട് . കേരളത്തിൽ മാത്രം 2930 ഒഴിവുകളാണ് ഉള്ളത് . പ്രതിമാസ ശമ്പളവും സർക്കാർ മാനദണ്ഡങ്ങൾക്കനുസൃതമായ മറ്റ് ആനുകൂല്യങ്ങളും ഉണ്ടാകും.

18 നും 32 വയസ്സിനും ഇടയിൽ ഉള്ളവർക്ക് അപേക്ഷിക്കാം . SC/ST ക്കാർക്ക് 5 വര്ഷം , OBC ക്കാർക്ക് 3 വര്ഷം PWD ക്കാർക്ക് 10 വര്ഷം OBC വിഭാഗത്തിൽ ഉള്ള PWD ക്കാർക്ക് 13 വര്ഷം ,SC/ST വിഭാഗത്തിൽ ഉള്ള PWD ക്കാർക്ക് 15 വർഷം എന്നിങ്ങനെ വയസ്സിളവുണ്ട്.

www.indiapost.gov.in എന്ന ഇന്ത്യ പോസ്റ്റ് വെബ്‌സൈറ്റിലൂടെ ഓൺലൈനായി മാത്രമേ അപേക്ഷകൾ സ്വീകരിക്കുകയുള്ളൂ. അപേക്ഷകർക്ക് നൽകിയിരിക്കുന്ന പട്ടികയിൽ ഓൺലൈൻ രജിസ്ട്രേഷൻ തീയതി പരിശോധിക്കാം. ഇന്ത്യ പോസ്റ്റിന്റെ ഒഫീഷ്യൽ വെബ്സൈറ്റിൽ അപേക്ഷിക്കാം.

ആലപ്പുഴ, ഇടുക്കി, ഒറ്റപ്പാലം, തിരുവല്ല , ആലുവ, ഇരിങ്ങാലക്കുട, പാലക്കാട് , തൃശൂർ, കോഴിക്കോട്, കാസർഗോഡ്, പത്തനംതിട്ട, തിരുവനന്തപുരം നോർത്ത്, തിരുവനന്തപുരം സൗത്ത്, കണ്ണൂർ, കോട്ടയം, കൊല്ലം, ചങ്ങനാശേരി, മഞ്ചേരി, തലശ്ശേരി, വടകര, എറണാകുളം, മാവേലിക്കര, തിരൂർ എന്നിവടങ്ങളിലേ വിവിധ പോസ്റ്റ് ഓഫിസുകളിലേയ്ക്ക് പോസ്റ്റുമാൻ തസ്തിക ഒഴിഞ്ഞു കിടക്കുന്നു. ഉദാഹരണത്തിന് ഒറ്റപ്പാലത്ത് 95 പോസ്റ്റ് ഓഫീസുകളിലേക്കും തിരുവനന്തപുരം നോർത്തിൽ 77 പോസ്റ്റ് ഓഫിസുകളിലും തിരുവനന്തപുരം സൗത്തിൽ 89 തപാൽ ഓഫിസുകളിലേയ്ക്കും നിയമനം ഉണ്ട് . ഇത്തരത്തിൽ കേരളത്തിൽ മൊത്തം 2930 ഒഴിവുകൾ ഉണ്ട്.

അപ്ലൈ ചെയ്യാനുള്ള ലിങ്ക് https://www.indiapost.gov.in/vas/Pages/Content/Recruitments.aspx?Category=Recruitment. കൂടുതൽ വിവരങ്ങൾ അറിയാൻ www.indiapost.gov.in എന്ന വെബ്സൈറ്റ് സന്ദർശിക്കേണ്ടതാണ്.