ക്രിക്കറ്റിൽ ഓരോ മാസവും ഒന്നാമതെത്തുന്ന താരങ്ങളെ  അനുമോദിക്കാനുള്ള തീരുമാനവുമായി ഐസിസി.  ഫുടബോളിൽ ഉള്ളതുപോലെ പ്ലേയർ ഓഫ് ദി മന്ത് പുരസ്‌കാരമാണ് ഏർപ്പെടുത്തിയത്.2021 ജനുവരി മുതലാണ് പുരസ്‌കാരം നൽകി തുടങ്ങുന്നത്. ഓരോ മാസവും ഒന്നാമതെത്തുന്ന ആരാധകരെ the തെരഞ്ഞെടുക്കാൻ പ്രേക്ഷകർക്കും വോട്ട് ചെയ്യാവുന്നതാണ് .

എന്നാല്‍ മുന്‍ കളിക്കാര്‍, ബ്രോഡ്കാസ്‌റ്റേഴ്‌സ്, മാധ്യമപ്രവര്‍ത്തകര്‍ എന്നിവര്‍ അടങ്ങിയ ഐസിസിയുടെ വോട്ടിങ് അക്കാദമിക്കാവും ഭൂരിഭാഗം വോട്ടും നൽകാനുള്ള അവസരം. മുഹമ്മദ് സിറാജ്, വാഷിങ്ടണ്‍ സുന്ദര്‍, ടി നടരാജന്‍, റിഷഭ് പന്ത് എന്നീ ഇന്ത്യന്‍ താരങ്ങളാണ് ജനുവരിയിലെ താരമാവാൻ സാധ്യതയുണ്ട് . ജോ റൂട്ട്, സ്റ്റീവ് സ്മിത്ത് എന്നിവരും ഈ കൂട്ടത്തിലുണ്ട്.

എല്ലാ മാസത്തിലെയും രണ്ടാമത്തെ തിങ്കളാഴ്ചയാണ് വിജയിയെ പ്രഖ്യാപിക്കുന്നത് . പത്ത് ശതമാനം വോട്ടാണ് ആരാധകർക്കായുള്ളത് . ആരാധകരുമായി കൂടുതല്‍ അടുക്കാനും, കളിക്കാരുടെ നേട്ടങ്ങള്‍ ആഘോഷിക്കാനും വേണ്ടിയാണ് ഇതെന്ന് ഐസിസി പറഞ്ഞു . വനിത ക്രിക്കറ്റ് താരങ്ങളെയും പരിഗണിക്കും . വനിത പുരുഷ വിഭാഗത്തിൽ നിന്നും മൂന്ന് പേരെയാണ് ഒരുമാസം മുന്നോട്ട് വെക്കുന്നത് . ഒരു മാസത്തെ ഗ്രൗണ്ടിലെ പ്രകടനവും നേട്ടവും വിലയിരുത്താനാണ് ഈ പുരസ്‌കാരം .