യു.കെയിലെ ഹാട്ട്ഫഡ് ഷയര്‍ യൂനിവേഴ്‌സിറ്റിയുടെ എം.എസ് ഡേറ്റ സയന്‍സ് ആന്‍ഡ് അനലറ്റിക്‌സ് പരീക്ഷയില്‍ ഒന്നാം റാങ്ക് കരസ്ഥമാക്കി കാസര്‍കോടുകാരി
യു.കെയിലെ ഹാട്ട്ഫഡ് ഷയര്‍ യൂനിവേഴ്‌സിറ്റിയുടെ യു.കെയിലെ ഹാട്ട്ഫഡ് ഷയര്‍ യൂനിവേഴ്‌സിറ്റിയുടെ മാസ്റ്റര്‍ ഓഫ് സയന്‍സ്(എം.എസ് ) ഡേറ്റ സയന്‍സ് ആന്‍ഡ് അനലറ്റിക്‌സ് പരീക്ഷയില്‍ ഒന്നാം റാങ്ക് കരസ്ഥമാക്കി കാസര്‍കോടുകാരി.
കാസര്‍കോട് മിയാപദവ് തലക്കളയിലെ ടി. ആയിശ ലുബ്‌നയാണ് ഒന്നാം റാങ്ക് കരസ്ഥമാക്കിയത്. മീഞ്ച ഗ്രാമ പഞ്ചായത്ത് പ്രസിഡന്റായിരുന്ന ഷംസാദ് ബീഗം-അബ്ദുല്‍ ഷുക്കൂര്‍ ദമ്പതികളുടെ മൂത്ത മകളും ലണ്ടനിലെ എന്‍ജിനീയര്‍ റിയാസ് മൊഗ്രാലിന്റെ ഭാര്യയുമാണ്.
മഞ്ചേശ്വരത്ത് സ്‌കൂളില്‍ പ്രാഥമിക പഠനം പൂര്‍ത്തിയാക്കി മംഗളൂരു സഹ്യാദ്രി കോളജില്‍നിന്ന് കമ്പ്യൂട്ടര്‍ സയന്‍സില്‍ ബി.ടെക് ബിരുദമെടുത്ത ആയിശ ലുബ്‌ന ഐ.ബി.എം, ഡെലോയ്റ്റ് എന്നീ അന്താരാഷ്ട്ര കമ്പനികളില്‍ ഡേറ്റ എന്‍ജിനീയറായി ജോലി നോക്കിയ ശേഷം ബിരുദാനന്തര ബിരുദത്തിന് വിദേശത്ത് പോവുകയായിരുന്നു. ഇപ്പോള്‍ ലുബ്‌ന ലണ്ടനിലെ സര്‍ക്കിള്‍ ഹെല്‍ത്ത് ഗ്രൂപ്പില്‍ ഡേറ്റ എന്‍ജിനീയറാണ് .
"
https://www.facebook.com/Malayalivartha
