ഒരു പ്രമുഖ ചാനലിന്റെ പ്രസിദ്ധീകരണമായ ഒരു മാഗസിനിൽ പ്രസിദ്ധീകരിച്ച അഭിമുഖത്തിലെ പല ഭാഗങ്ങളും വസ്തുതാവിരുദ്ധമാണെന്ന് ചൂണ്ടിക്കാട്ടി നടന്‍ റോഷന്‍ മാത്യുവും നടി ദര്‍ശന രാജേന്ദ്രനും കഴിഞ്ഞ ദിവസം നിഷേധിച്ചുകൊണ്ട് രംഗത്ത് എത്തുകയായിരുന്നു. അഭിമുഖത്തില്‍ തങ്ങള്‍ പറയാത്ത കാര്യങ്ങളാണ് വനിതയില്‍ അച്ചടിച്ച്‌ വന്നതെന്നാണ് ഇരുവരും സോഷ്യല്‍ മീഡിയയിലൂടെ വ്യക്തമാക്കിയത്. അടുത്തിറങ്ങിയ മാഗസിന്റെ കവര്‍ ചിത്രം നടന്‍ റോഷന്‍ മാത്യുവും നടി ദര്‍ശന രാജേന്ദ്രനുമായിരുന്നു. റോഷനും ദര്‍ശനയും പ്രധാന കഥാപാത്രങ്ങളായ സീ യു സൂണ്‍ എന്ന സിനിമ മുന്‍നിര്‍ത്തിയായിരുന്നു ഈ അഭിമുഖം എന്നത്.

അതേസമയം നേരത്തെ സുഹൃത്തുക്കളായിരുന്ന ഇവര്‍ സിനിമയിലേക്ക് എത്തിയതും സൗഹൃദവും സീ യു സൂണിനെക്കുറിച്ചുമൊക്കെയാണ് അഭിമുഖത്തില്‍ വ്യക്തമാക്കുന്നത്. തങ്ങളുടെ പേരില്‍ വന്ന ഫീച്ചറില്‍ ഉപയോഗിച്ചിരിക്കുന്ന പൈങ്കിളി പ്രയോഗങ്ങളും അതിലെ ഭാഷയും തങ്ങളുടേതല്ലെന്ന് റോഷനും ദര്‍ശനയും വ്യക്തമാക്കിയിരുന്നു. ഇത് സമൂഹമാധ്യമങ്ങളിൽ വളരെ ഏറെ ചർച്ചകൾക്ക് വഴിവച്ചിരുന്നു.

എന്നാൽ റോഷന്റെ ഈ നിലപാടിന് പിന്തുണ അറിയിച്ച്‌ നിരവധി പേര്‍ രംഗത്ത് എത്തിയിരുന്നു. ഇപ്പോള്‍ നടന്‍ ഹരീഷ് പേരടിയും ഈ വിഷയത്തില്‍ റോഷന് പിന്തുണ പ്രഖ്യാപിക്കുകയുണ്ടായി. റോഷന്‍ സത്യമെണ്ണി പറഞ്ഞ് തന്റെ നിലപാട് വ്യക്തമാക്കിയെന്നും ഇനിയുള്ള സിനിമയും ലോകവും നിലപാട് പറയുന്നവരുടെതാണെന്നാണ് ഹരീഷ് ഫേസ്ബുക്കില്‍ കുറിച്ചത്.

ഹരീഷ് പേരടിയുടെ വാക്കുകള്‍ ഇങ്ങനെ:

റോഷന്‍ ..സത്യം എണ്ണി പറഞ്ഞ് നിലപാട് വ്യക്തമാക്കി..ഇനിയുള്ള സിനിമയും ലോകവും നിലപാട് പറയുന്നവരുടെതാണ് ...പേടി തൂറികളുടെതല്ല ...നാടകം നാടിന്റെ അകമാണ്..നാടകം പഠിച്ചവന്‍, കളിച്ചവന്‍ അങ്ങിനയെ പറയു...അഭിനന്ദനങ്ങള്‍ ...ottയാണെങ്കിലും തിയറ്ററുകളാണെങ്കിലും സിനിമയുടെ യഥാര്‍ത്ഥ രാജക്കന്‍മാര്‍ പ്രേക്ഷകരാണ്.