ചിരഞ്ജീവിയുടെ അകാലമരണം നല്‍കിയ വേദനയിലാണെങ്കിലും കുഞ്ഞതിഥിയെ വരവേല്‍ക്കാനുള്ള ഒരുക്കത്തിലാണ് നടി മേഘ്‌ന രാജും കുടുംബവും. മേഘ്‌നയ്ക്ക് സര്‍പ്രൈസ് ആയി വെള്ളിത്തൊട്ടില്‍ സമ്മാനിച്ചിരിക്കുകയാണ് ചിരഞ്ജീവി സര്‍ജയുടെ അനുജനും നടനുമായ ധ്രുവ സര്‍ജ. ബന്ധുവായ സുരാജ് സര്‍ജയ്‌ക്കൊപ്പമാണ് പത്തു ലക്ഷം വില വരുന്ന തൊട്ടില്‍ വാങ്ങാനായി ധ്രുവ എത്തിയത്.

കുഞ്ഞുവാവക്കായി തൊട്ടില്‍ വാങ്ങിയ ധ്രുവയുടെ ചിത്രങ്ങളാണ് ഇപ്പോള്‍ സോഷ്യല്‍ മീഡിയയില്‍ പ്രചരിക്കുന്നത്. വലിയ ആഘോഷമായാണ് മേഘ്‌നയുടെ സീമന്ത ചടങ്ങുകളും കുടുംബം നടത്തിയത്. ചിത്രങ്ങളെല്ലാം സോഷ്യല്‍ മീഡിയയില്‍ വന്‍ ശ്രദ്ധ നേടിയിരുന്നു.
അകാലത്തില്‍ വിടപറഞ്ഞ ഭര്‍ത്താവ് ചിരഞ്ജീവിയുടെ കട്ടൗട്ട് വെച്ചാണ് ചടങ്ങുകള്‍ നടത്തിയത്. ചടങ്ങിനിടെ എല്ലാ കാര്യങ്ങളും നോക്കി നടത്തിയത് ധ്രുവ ആണ്. ചേട്ടനും അനിയനും എന്നതിനപ്പുറം അടുത്ത സുഹൃത്തുക്കള്‍ കൂടിയായിരുന്നു ചിരുവും ധ്രുവയും, ചിരുവിന്റെ അസാന്നിദ്ധ്യത്തില്‍ മേഘ്‌നയക്ക് ശക്തമായ പിന്തുണ നല്‍കി അനിയന്‍ ധ്രുവ ഒപ്പമുണ്ട്. ജൂലൈയിലാണ് കുടുംബാംഗങ്ങളെയും ആരാധകരയെും ദുഃഖത്തിലാഴ്ത്തി ചിരഞ്ജീവി യാത്രയായത്.