തെന്നിന്ത്യന്‍ സിനിമയിലെ താരദമ്പതികളാണ് തമിഴ് നടന്‍ സൂര്യയും ഭാര്യ ജ്യോതികയും. ജ്യോതിക മക്കളുമായി മുംബൈയിലേക്ക് താമസം മാറിയതോടെ ഇരുവരും വേര്‍പിരിയാന്‍ പോകുന്നുവെന്ന തരത്തില്‍ അഭ്യൂഹങ്ങള്‍ പ്രചരിച്ചിരുന്നു. എന്നാല്‍ അതിനൊക്കെ മറുപടിയുമായി ജ്യോതിക എത്തിയിരിക്കുകയാണ്. സൂര്യയോടൊപ്പം ഫിന്‍ലാന്‍ഡില്‍ അവധിക്കാലം ആഘോഷിക്കുന്ന വീഡിയോയാണ് താരം ഇന്‍സ്റ്റഗ്രാമില്‍ പങ്കുവച്ചത്.

മഞ്ഞുപെയ്യുന്ന ഫിന്‍ലാന്‍ഡില്‍ അവധിക്കാലം ആഘോഷിക്കുന്ന ഇരുവരെയും വീഡിയോയില്‍ കാണാം. സൂര്യ വളരെ പിന്തുണ നല്‍കുന്ന ഭര്‍ത്താവാണ്. ഞാന്‍ സന്തോഷമായി ഇരിക്കണമെന്നും കുട്ടികളുടെ കാര്യങ്ങള്‍ എല്ലാം നന്നായി നടക്കണമെന്നൊക്കെ വിചാരിക്കുന്ന ആളാണ്. വലിയ രീതിയിലാണ് എല്ലാം നോക്കി കാണുന്നത്. ഇങ്ങനെ മാത്രമേ കാര്യങ്ങള്‍ ചെയ്യാവൂ എന്നൊരു ചെറിയ മൈന്‍ഡ്‌സെറ്റ് അദ്ദേഹത്തിനില്ല. സൂര്യയുടെ അമ്മയും ഞാനും വളരെ ക്ലോസ് ആണ്. ഞങ്ങളിപ്പോള്‍ പരസ്പരം നന്നായി മിസ് ചെയ്യുന്നുണ്ട്. പതിനഞ്ചു വര്‍ഷം ഒരുമിച്ചു താമസിച്ചവരാണ്.'' ജ്യോതിക പറഞ്ഞു.

'ജീവിതം ഒരു മഴവില്ല് പോലെയാണ്. നമുക്ക് അതിന്റെ നിറങ്ങള്‍ കണ്ടുപിടിക്കാന്‍ തുടങ്ങാം' ജ്യോതിക വീഡിയോയില്‍ കുറിച്ചു. ജ്യോതിക മുംബൈയിലേക്ക് മാറിയതായി കുറച്ച്കാലം മുന്‍പ് അഭ്യൂഹങ്ങളുണ്ടായിരുന്നു. എന്നാല്‍, സ്ഥലംമാറിയത് താല്‍ക്കാലികമാണെന്നും മാതാപിതാക്കളുടെ ആരോഗ്യപ്രശ്നങ്ങള്‍ കാരണമാണ് ഈ സ്ഥലംമാറ്റമെന്നും ജ്യോതിക പിന്നീട് പറഞ്ഞിരുന്നു.

'കോവിഡ് സമയത്ത് എന്റെ അച്ഛനും അമ്മയ്ക്കും രണ്ട് മൂന്ന് തവണ കോവിഡ് വന്നു. അന്ന് വിമാനങ്ങളൊക്കെ റദ്ദാക്കിയതിനാല്‍ ആ സമയത്ത് എനിക്ക് പോകാന്‍ പറ്റിയില്ല. അപ്പോഴാണ് ഞാന്‍ ഇരുന്നു ആലോചിച്ചത്. വിവാഹം കാരണം മാത്രമല്ല, ഞാന്‍ ചെന്നൈയില്‍ എത്തിയിട്ട് 25-27 വര്‍ഷമായെന്ന്. എന്റെ അച്ഛനമ്മമാരില്‍ നിന്നും അകലെയാണ്. ഇനി അവരെ മിസ് ചെയ്യരുത് എന്ന് തോന്നി. അവരെ നഷ്ടപ്പെടുമോ, അവര്‍ക്കൊപ്പം ചെലവഴിക്കാന്‍ പറ്റിയ സമയം മിസ് ആവുമോ എന്നൊക്കെ പേടി തോന്നി. ഇതൊരു താത്കാലിക മാറ്റം മാത്രമാണ്.