ലോകത്തെ മുഴുവൻ ഭീതിയിലാഴ്ത്തി അടക്കി വാഴുന്ന വില്ലനാണ് കൊറോണ വൈറസ്. ചൈനയിലെ വുഹാനിലാണ് ആദ്യമായി രോഗബാധ കണ്ടെത്തുന്നത്. തുടർന്ന് ലോകത്തിലെ വിവിധ ഭാഗത്തേക്ക് രോഗം പടർന്നു പിടിക്കുകയായിരുന്നു. കൊറോണ വൈറസിനുനേരെയുള്ള (കോവിഡ്-19) പോരാട്ടം ലോകം ഇതുവരെ കണ്ടിട്ടില്ലാത്തൊരു ഘട്ടത്തിലേക്ക് കടക്കുന്നതായി ലോകാരോഗ്യസംഘടന അടുത്തിടെ വ്യക്തമാക്കിയിരുന്നു . പ്രഭവസ്ഥാനമായ ചൈനയിലേതിനെക്കാൾ ഇരട്ടിവേഗത്തിലാണ് ലോകത്ത് കൊറോണ പടരുന്നത്. ചൈനയിൽ പുതിയ രോഗികളുടെ എണ്ണം ക്രമാതീതമായി കുറഞ്ഞതും മറ്റുരാജ്യങ്ങളിൽ വർധിച്ചതും യു.എസിൽ ആറുപേർ മരിച്ചതും ആശങ്ക ഉയർത്തുന്നതായി ഡബ്ല്യു.എച്ച്.ഒ. വ്യക്തമാക്കിയിരുന്നു .

ചൈനയിൽ ചൊവ്വാഴ്ച സ്ഥിരീകരിച്ചതിനെക്കാൾ ഒമ്പതിരട്ടിയോളംപേരിലാണ് മറ്റുരാജ്യങ്ങളിൽ കഴിഞ്ഞദിവസം രോഗബാധ സ്ഥിതീകരിച്ചത് . ചൈന സ്വീകരിച്ച ശക്തമായ പ്രതിരോധനടപടികളും നിയന്ത്രണങ്ങളുമാണ് അവിടെ വൈറസ്ബാധ കുറയാൻ കാരണമെന്നും ലോകാരോഗ്യസംഘടന പറഞ്ഞു. ലോകത്ത് കൊറോണ ബാധിച്ചുള്ള മരണം ചൊവ്വാഴ്ചയോടെ 3131 ആയി. കഴിഞ്ഞദിവസം ചൈനയിൽ 33 പേരും ഇറാനിൽ 11 പേരുമാണ് മരിച്ചത്. ഇതോടെ ചൈനയിൽ ആകെ മരണം 2945 ആയി. ഇറാനിൽ 77-ഉം ഇറ്റലിയിൽ 52-ഉം യു.എസിൽ ആറുപേരും മരിച്ചു.

രോഗ ബാധയേറ്റ് മരിച്ചവരുടെ എണ്ണം വർധിച്ചതോടെ കൊറോണ വൈറസിനെക്കുറിച്ചുള്ള ആശങ്കകളും സംശയങ്ങളും ദിനംപ്രതി വർധിച്ചു വരുകയാണ്. നിരവധി വ്യാജ പ്രചാരണങ്ങളും രോഗത്തെ സംബന്ധിച്ച് പരക്കുന്നു. രോഗ ബാധ ശാരീരിക സമ്പർക്കത്തിലൂടെ പകരുമോ എന്ന സംശയമാണ് ഇപ്പോൾ കുടുതലും പുറത്തു വരുന്നത്. കൊറോണ വൈറസ് എളുപ്പത്തിൽ പടരുന്ന രോഗമാണ് . ഇത് രോഗിയില്‍ നിന്നും മറ്റുള്ളവരിലേയ്ക്ക് എളുപ്പത്തില്‍ പടരുന്നു. ചുമയിലൂടെ, തുമ്മലിലൂടെ, രോഗി സ്പര്‍ശിച്ച വസ്തുക്കളിലൂടെ, രോഗിയുടെ സ്പര്‍ശനത്തിലൂടെയെല്ലാം രോഗം പകരാമെന്നാണ് മെഡിക്കല്‍ ലോകം അഭിപ്രായപ്പെടുന്നത്. കെട്ടിപ്പിയ്ക്കുക, ചുംബിയ്ക്കുക എന്നിവക്കുപുറമെ ഹസ്തദാനം പോലും ഒഴിവാക്കണം എന്നതാണ് ഇപ്പോള്‍ മെഡിക്കൽ സയന്‍സ് നല്‍കുന്ന വിശദീകരണം. ഇതിനോടൊപ്പം സെക്‌സിലൂടെ കൊറോണ വൈറസ് പകരുമോയെന്ന കാര്യത്തിലും സംശയങ്ങൾ ഉയർന്നു വരുന്നുണ്ട്. രോഗിയുടെ വൈറല്‍ ഡ്രോപ് ലൈറ്റ്, അഥവാ വൈറസ് അടങ്ങിയ എന്തെങ്കിലും കണിക നമ്മുടെ ശരീരത്തില്‍ എത്തിയിട്ടുണ്ടെങ്കില്‍ കൊറോണ പടരാന്‍ സാധ്യതയേറെയാണ്. ഇക്കാരണം കൊണ്ടാണ് ശാരീരിക ബന്ധത്തിലൂടെ കൊറോണ പകരുമോ എന്ന സംശയം വ്യാപകമാകുന്നത്.

എന്നാല്‍ സെക്‌സിലൂടെ കൊറോണ വൈറസ് പകരുകയില്ല എന്നാണ് പഠനത്തിൽ വ്യക്തമാക്കുന്നത് . ഇക്കാര്യത്തില്‍ കൂടുതല്‍ പഠനങ്ങള്‍ നടക്കുന്നുണ്ടെന്നും ഗവേഷകർ വെളിപ്പെടുത്തുന്നു. എന്നാൽ ശ്വാസത്തിലൂടെയും സ്രവങ്ങളിലൂടെയും വൈറസ് ബാധ പകരാനുള്ള സാധ്യത ഏറെയാണ്.

വ്യക്തി ശുചിത്വം പാലിക്കുക എന്നതും കൈകൾ ഇടക്കിക്കിടെ കഴുകുന്നതും മുക്കും വായുമെല്ലാം രോഗം പകരാതെ മുടിവെക്കുകയും ചെയ്യുന്നതോടെ ഒരു പരിധിവരെ രോഗത്തെ തടയാനാകും. രോഗ ബാധയേറ്റവരുമായുള്ള സമ്പർക്കം ഒഴിവാക്കുന്നതും രോഗ ബാധ ഏൽക്കുന്നതിൽ നിന്നും ഒരു പരിധിവരെ രക്ഷിക്കും.