നടുവിൽ ഒരു വേദന എല്ലാവരെയും കീഴടക്കുന്ന ഒന്നാണ്,. ഡിസ്‌ക്ക് സംബന്ധമായ അസുഖങ്ങള്‍ , അസ്ഥിക്കുണ്ടാകുന്ന തേയ്മാനം , ഞരമ്പു ഞെരുക്കം അഥവാ റാഡിക്കുലോപ്പതി , നട്ടെല്ലിനേല്‍ക്കുന്ന ക്ഷതം , അര്‍ബുദസംബന്ധമായ പ്രശ്‌നങ്ങള്‍ ,നീര്‍ക്കെട്ടും അണുബാധയുംതുടങ്ങിയവ നടുവേദനയ്ക്ക് കാരണമാകും. മാത്രമല്ല നട്ടെല്ലിനേൽക്കുന്ന പരിക്കുകൾ, കഠിനമായ ആയാസമുള്ള ജോലികൾ, പൊട്ടിയതോ പുറത്തേക്ക് തള്ളിയതോ ആയ ഡിസ്‌കുകൾ, കിടപ്പ് തുടങ്ങിയ ശാരീരിക നിലകളിലെ പ്രശ്നങ്ങൾ, അസ്ഥിക്ഷയം, നട്ടെല്ലിന്‍റെ സ്വാഭാവിക വളവുകളിലുണ്ടാകുന്ന മാറ്റങ്ങൾ, അമിതവണ്ണം, മാനസിക പിരിമുറുക്കം, അർബുദം ഇവയും നടുവേദനക്ക് കാരണമാകാറുണ്ട്.

എന്നാല്‍ നട്ടെല്ലിലെ അണുബാധ മൂലവും നടുവേദന വരാം എന്നാണ് പുതിയ പഠനങ്ങൾ പറയുന്നത് . നട്ടെല്ലിലും ഡിസ്കുകളിൽ ബാക്ടീരിയ മൂലം പഴുപ്പ് ബാധിക്കുന്ന സ്പോണ്ടിലോഡിസൈറ്റിസ് എന്ന അസുഖം കൂടുന്നതായും പഠനം. സാധാരണയായി നട്ടെല്ലിൽ അണുബാധ ഉണ്ടാകുന്നില്ല. എന്നാല്‍ ശരീരത്തിലെ മറ്റു ഭാഗങ്ങളിൽ ഉണ്ടാകുന്ന അണുബാധയിലെ ബാക്ടീരിയ നട്ടെല്ലിലേക്ക് പടരുകയും നട്ടെല്ലിൽ പഴുപ്പ് ഉണ്ടാകുകയും ചെയ്യുന്നു . ഇതുമൂലം അതികഠിനമായ നടുവേദന ഉണ്ടാകും. അതിനാല്‍ നടുവേദന നിസാരമായി കാണരുത്.നടു വേദനയുടെ ലക്ഷണങ്ങള്‍ ഏതെങ്കിലും ഉണ്ടെങ്കില്‍ ഒരു ഓര്‍ത്തോപീഡിഷ്യനെയോ സ്‌പൈന്‍ സര്‍ജനെയോ ന്യൂറോസര്‍ജനെയോ പോയി കാണുക. ചികിത്സ തേടുക.