ആഹാരത്തില്‍ രുചിയ്ക്കും മണത്തിനും വേണ്ടി ഉപയോഗിക്കുന്ന സുഗന്ധവ്യഞ്ജനമാണ് ഗ്രാമ്പു. എന്നാല്‍ ഇിതനു പുറമേ നിരവധി ആരോഗ്യ ഗുണങ്ങളും ഗ്രാമ്പു നല്‍കുന്നുണ്ട്. ഏറ്റവും ഫലപ്രദമായ ഗുണങ്ങള്‍ നല്‍കുന്ന ഒന്നാണ് ഗ്രാമ്പു. ഗ്രാമ്പുവിന്റെ ചില ആരോഗ്യ ഗുണങ്ങള്‍ എന്തെല്ലാമാണെന്ന് നോക്കാം.

* ഗ്രാമ്പുവിലെ ആന്റി ഇന്‍ഫമേറ്ററി ഘടകങ്ങള്‍ മോണയിലെ പഴുപ്പ് നീക്കും, പല്ലുവേദന, മോണവേദന, ബാക്ടീരിയകള്‍ കാരണമായി, വായിലുണ്ടാകുന്ന അണുബാധ എന്നിവയ്ക്കും ഔഷധമാണ്.

* ദിവസവും നാലോ അഞ്ചോ ഗ്രാമ്പു കഴിക്കുന്നത് കാന്‍സര്‍ കോശങ്ങളുടെ വളര്‍ച്ച തടയുന്നു. ശ്വാസകോശാര്‍ബുദം തടയാന്‍ ഗ്രാമ്പുവിലെ സംയുക്തങ്ങള്‍ സഹായിക്കുന്നു.

* പ്രമേഹമുള്‍പ്പെടെയുള്ള നിരവധി രോഗങ്ങള്‍ക്കുള്ള പാരമ്പര്യ ഔഷധമായി ഗ്രാമ്പു ഉപയോഗിക്കുന്നു. രക്തത്തിലെ പഞ്ചസാരയുടെ അളവ് നിയന്ത്രിക്കുന്നു.

* ഗ്രാമ്പുവില്‍ യൂജെനോള്‍ എന്ന സംയുക്തം ഉണ്ട്. ഇത് ആന്റി ഇന്‍ഫ്‌ലമേറ്ററി ഗുണങ്ങള്‍ ഉള്ളതാണ്. ജലദോഷം, പനി എന്നിവയ്ക്കുള്ള ഔഷധമാണ് ഗ്രാമ്പു. ശ്വാസകോശത്തിലെ അണുബാധകള്‍ തടയാന്‍ ഗ്രാമ്പുവിന് പ്രത്യേക കഴിവുണ്ട്.

* വൈറസുകള്‍, ബാക്റ്റീരിയകള്‍ വിവിധ ഇനം ഫംഗസുകള്‍ മുതലായവയ്ക്കെതിരെ ഗ്രാമ്പു പ്രവര്‍ത്തിക്കുന്നുണ്ട്. ഗ്രാമ്പു ഇട്ട് തിളപ്പിച്ചാറിയ വെള്ളം കുടിച്ചാല്‍ ഗ്യാസ് ട്രബിള്‍ വളരെ പെട്ടെന്നു തന്നെ ശമിക്കും.

* ഇരുമ്പ് ധാരാളം അടങ്ങിയിട്ടുള്ള ഒന്നാണ് ഗ്രാമ്പു. ഇത് ദഹനേന്ദ്രീയത്തെ മൊത്തമായും ഉത്തേജിപ്പിക്കുന്നു. ശ്വസന പ്രക്രിയയെ പോഷിപ്പിക്കുന്നതിലും ഗ്രാമ്പു ഉത്തമമാണ്.