സംസ്​ഥാനത്ത്​ അതിതീവ്ര മഴക്ക്​ സാധ്യതയുള്ളതായി​ ദുരന്ത നിവാരണ അതോറിറ്റിയുടെ മുന്നറിയിപ്പ്​. ഇടുക്കി, വയനാട്​, മലപ്പുറം ജില്ലകളില്‍ റെഡ്​ അലര്‍ട്ട്​ പ്രഖ്യാപിച്ചു. വ്യാഴാഴ്​ച ഇടുക്കി, വയനാട്​ ജില്ലകളിലും വെള്ളിയാഴ്​ച മലപ്പുറത്തും ആഗസ്​റ്റ്​ എട്ടിന്​ ഇടുക്കിയിലും ഒമ്ബതിന്​ വയനാട്ടിലുമാണ്​ റെഡ്​ അലര്‍ട്ട്​ പ്രഖ്യാപിച്ചിരിക്കുന്നത്​.

24 മണിക്കൂറില്‍ 204.5 മില്ലിമീറ്റര്‍ മഴ ലഭിച്ചേക്കും. അതിതീവ്ര മഴ ലഭിക്കുന്നത്​ അപകട സാധ്യത വര്‍ധിപ്പിക്കുമെന്നും ജാഗ്രത പുലര്‍ത്തണമെന്നും മുന്നറിയിപ്പ്​ . രണ്ടു ദിവസമായി ശക്തമായ മഴ ലഭിക്കുന്ന സാഹചര്യത്തില്‍ മലപ്പുറം, വയനാട്​, ഇടുക്കി ജില്ലകളിലെ ദുരന്ത സാധ്യത മേഖലകളിലുള്ളവര്‍ ദുരിതാശ്വാസ ക്യാമ്ബുകളിലേക്ക്​ മാറാന്‍ അറിയിച്ചു. രാത്രി മഴ ശക്തിപ്പെടുന്ന സാഹചര്യത്തില്‍ ഉരുള്‍പ്പൊട്ടല്‍, മണ്ണിടിച്ചില്‍ സാധ്യതയുള്ള പ്രദേശങ്ങളില്‍നിന്ന്​ പകല്‍സമയം നിര്‍ബന്ധമായും മാറ്റി താമസിപ്പിക്കാനും നിര്‍ദേശം നല്‍കി.

മലയോര മേഖലയിലേക്കുള്ള രാത്രി ഗതാഗതം പൂര്‍ണമായും ഒഴിവാക്കണം. മലയോര മേഖലയിലേക്ക്​ രാത്രി ഗതാഗതം നിരോധിച്ച്‌ ഉത്തരവ് പുറപ്പെടുവിക്കുമെന്നും ദുരന്ത നിവാരണ അതോറിറ്റി അറിയിച്ചു.

ഇന്ന്​ എറണാകുളം, തൃശൂര്‍, പാലക്കാട്, മലപ്പുറം, കോഴിക്കോട്, കണ്ണൂര്‍, കാസര്‍കോട്​ ജില്ലകളിലും നാളെ​ എറണാകുളം, ഇടുക്കി, തൃശൂര്‍, പാലക്കാട്, കോഴിക്കോട്, വയനാട്, കണ്ണൂര്‍, കാസര്‍കോട്​ ജില്ലകളിലും എട്ടിന്​ പത്തനംതിട്ട, ആലപ്പുഴ, കോട്ടയം, എറണാകുളം, ഇടുക്കി, തൃശൂര്‍, പാലക്കാട്, മലപ്പുറം, കോഴിക്കോട്, വയനാട്, കണ്ണൂര്‍, കാസര്‍കോട്​ ജില്ലകളിലും ഒമ്ബതിന്​ ഇടുക്കി, മലപ്പുറം, കോഴിക്കോട്, വയനാട്, കണ്ണൂര്‍, കാസര്‍കോട്​ ജില്ലകളിലും കേന്ദ്ര കാലാവസ്​ഥ വകുപ്പ്​ ഓറഞ്ച്​ അലര്‍ട്ട്​ പ്രഖ്യാപിച്ചു.

ഇന്ന്​​ തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം ജില്ലകളിലും ഏഴിന്​ ആലപ്പുഴ, കോട്ടയം ജില്ലകളിലും എട്ടിന്​ തിരുവനന്തപുരം, കൊല്ലം ജില്ലകളിലും ഒമ്ബതിന്​ എറണാകുളം, തൃശൂര്‍, പാലക്കാട് ജില്ലകളിലും പത്തിന്​ മലപ്പുറം, കോഴിക്കോട്, വയനാട്, കണ്ണൂര്‍, കാസര്‍കോട്​ ജില്ലകളിലുംയെല്ലോ അലര്‍ട്ട്​ പ്രഖ്യാപിച്ചു.