കോവിഡിന് മറവിൽ മഞ്ചേശ്വരം ക്ഷേത്രത്തില്‍ സംഭവിച്ചത്... രാവിലെ പൂജാരി പൂജയ്ക്കായി എത്തിയപ്പോൾ കണ്ട കാഴ്ച്ച ഭയാനകം; ചുറ്റമ്ബലത്തിന്റെ വാതിലിന്റെ പൂട്ട് പൊളിച്ച്‌ അകത്തുകടന്ന മോഷ്ടാക്കള്‍ തട്ടിയെടുത്തത് പഞ്ചലോഹ വിഗ്രഹവും വെള്ളി നിര്‍മിത പൂജാ പാത്രങ്ങളും... പോലീസ് അന്വേഷണം ആരംഭിച്ചു
ഇന്ന് രാവിലെയായിരുന്നു സംഭവം. കോവിഡിന് മറവിൽ ക്ഷേത്രം ലക്ഷ്യം വച്ചെത്തിയ മോഷ്‍ടാക്കളെ പിടികൂടാൻ അന്വേഷണം ആരംഭിച്ചു. മഞ്ചേശ്വരം ക്ഷേത്രത്തിലാണ് സംഭവം. വാതില്‍പൂട്ട് പൊളിച്ച്‌ അകത്തുകടന്ന മോഷ്ടാക്കള്‍ പഞ്ചലോഹ വിഗ്രഹവും വെള്ളി നിര്‍മിത പൂജാ പാത്രങ്ങളും കവര്‍ന്നു.
മിയാപദവ് ചിഗറുപാദയിലെ ശ്രീമഹാലിംഗേശ്വര ക്ഷേത്രത്തിലാണ് കവര്‍ച്ച നടന്നത്. വിവരമറിഞ്ഞ് മഞ്ചേശ്വരം എസ് ഐ എന്‍ വി രാഘവന്റെ നേതൃത്വത്തിലുള്ള പോലീസ് സംഘം സ്ഥലത്തെത്തി അന്വേഷണം ആരംഭിച്ചു. ചൊവ്വാഴ്ച രാവിലെ പൂജാരി പൂജയ്ക്കു എത്തിയപ്പോഴാണ് കവര്‍ച്ച നടന്ന വിവരം അറിഞ്ഞത്.
ചുറ്റമ്ബലത്തിന്റെ വാതിലിന്റെ പൂട്ട് തകര്‍ത്ത നിലയിലാണ്. തുടര്‍ന്ന് ഭണ്ഡാരങ്ങള്‍ തകര്‍ത്തു. ക്ഷേത്രപൂജാരി ഉപയോഗിക്കുന്ന മുറിയിലും കയറി അവിടെ ഉണ്ടായിരുന്ന താക്കോല്‍ എടുത്താണ് ശ്രീകോവിലിന്റെ വാതില്‍ തുറന്നത്.
തുടര്‍ന്ന് പഞ്ചലോഹ നിര്‍മ്മിതമായ ബലിമൂര്‍ത്തിയുടെ പഞ്ചലോഹ വിഗ്രഹം, പഞ്ചലിംഗേശ്വര വിഗ്രഹത്തില്‍ നിന്നു വെള്ളിനിര്‍മ്മിത കണ്ണ്, പൂജയ്ക്കു ഉപയോഗിക്കുന്ന പാത്രങ്ങള്‍ എന്നിവ കൈക്കലാക്കുകയായിരുന്നു.
https://www.facebook.com/Malayalivartha
