CPM നേതൃയോഗം നടന്നുകൊണ്ടിരിക്കെ ഹൈക്കോടതിയില് നിന്ന് ഇണ്ടാസ്;ക്ലിഫ്ഹൗസില് പൊട്ടിക്കരഞ്ഞ് പിണറായി, കുഴല്നാടന് വെച്ചത് എട്ടിന്റെയല്ല പതിനാറിന്റെ പണി,മാസപ്പടി വിടാന് ഉദ്ദേശമില്ല വീണയുടെ അടിവേരിളക്കുമെന്ന്,അച്ഛനും മകള്ക്കും തലയില് വീണ കണ്ടകശനിയാണ് കുഴല്നാടന്
മാസപ്പടി കേസില് വിജിലന്സ് കോടതി മാത്യു കുഴല്നാടനെ ഓടിച്ചപ്പോള് വീണയും പിണറായിയും കൈകൊട്ടിച്ചിരിച്ചു. നേതാക്കള് കുഴല്നാടനെ വളഞ്ഞിട്ട് ആക്രമിച്ചു കുഴല് വളഞ്ഞെന്ന് അണികള് പരിഹസിച്ചു. നേരെ ഹൈക്കോടതിക്ക് വെച്ചുപിടിച്ച കുഴല്നാടന് പിണറായീടെ അടപ്പ് തെറിപ്പിച്ചു. അച്ഛനും മകള്ക്കും മാസപ്പടി കേസില് നോട്ടീസ് അയച്ച് ഹൈക്കോടതി. ഇണ്ടാസിങ്ങ് എത്തിയപ്പോള് ക്ലിഫ് ഹൗസില് വീണമോളുടെ കരച്ചില് അച്ഛന്റെ രോദനം. എവിടെ വീണയ്ക്കും പിണറായിക്കും ഒന്നും സംഭവിക്കാന് പോണില്ല ഇതൊക്കെ നമ്മള് എത്ര കമ്ടിരിക്കുന്നുവെന്ന് മലയാളി പറയുന്നുണ്ട്. പക്ഷെ നല്ല എട്ടിന്റെ പണിയല്ലെ മുഖ്യമന്ത്രിയ്ക്ക് കിട്ടിയിരിക്കുന്നത്. തെരഞ്ഞെടുപ്പ് തോല്വിയുടെ പശ്ചാത്തലത്തില് സിപിഎം നേതൃയോഗം നടന്നുകൊണ്ടിരിക്കുകയാണ്. മുഖ്യനെ വലിച്ച്കീറി കൊണ്ടിരിക്കുമ്പോള് ആണ് ഹൈക്കോടതി നോട്ടീസ്. ഇത് പിണറായിക്ക് മൂട്ടില് തീയാണ്. പിണറായിസത്തിന്റെ കൊമ്പൊടിക്കണമെന്ന് സിപിഐ പച്ചയ്ക്ക് പറഞ്ഞു. സിപിഎം നേതാക്കള് മുഖ്യനെ പുറത്താക്കാന് പ്ലാന് നടത്തുന്നു അതിനിടയിലാണ് ഈ പണി.
മാത്യുകുഴല്നാടന് പിണറായിക്കും വീണയ്ക്കും നിരന്തരം പാരയാകുകയാണ്. ഒരുതരത്തിലും വീണയെ വിടാന് ഉദ്ദേശിക്കുന്നില്ലെന്ന് കട്ടായം പറയുന്നു. സിഎംആര്എല് എക്സാലോജിക് മാസപ്പടി കേസ് ലോക്സഭാ തെരഞ്ഞെടുപ്പില് സിപിഎമ്മിന്റെ തോല്വിക്ക് ആക്കം കൂട്ടിയെന്ന ആരോപണം ശക്തമായിരിക്കവേ വീണ്ടും വിവാദ കേസ് ഉയര്ത്തി മാത്യു കുഴല്നാടന് എംഎല്എ. മുഖ്യമന്ത്രിക്കും മകള്ക്കുമെതിരായ മാത്യുവിന്റെ നിയമപോരാട്ടം തുടരുകയാണ്. മാത്യു സമര്പ്പിച്ച ഹര്ജിയില് ഹൈക്കോടതി മുഖ്യമന്ത്രിക്കും മകള് വീണ വിജയനും എതിര്കക്ഷികള്ക്കും നോട്ടീസ് നല്കി. ഇതൊരു സാങ്കേതിക നടപടിയാണെന്നാണ് വിവരം. ഹര്ജി കോടതിയുടെ പരിഗണനയില് എത്തിയാല് എതിര്കക്ഷികള്ക്ക് കാര്യങ്ങള് ബോധിപ്പിക്കാന് അവസരം നല്കാന് വേണ്ടിയാണ് നോട്ടീസ് നല്കുന്നത്. ഇനി മുഖ്യമന്ത്രിക്കും വീണയ്ക്കും പറയാനുള്ളത് കോടതി കേള്ക്കും. അതിനുശേഷമായിരിക്കും വിഷയത്തില് അന്തിമ വിധിയുണ്ടാകുക.സ്വാഭാവിക നടപടിയാണെന്ന് മാത്യു കുഴല്നാടന് പ്രതികരിച്ചു.
'ഇതൊരു സ്വാഭാവിക നടപടിയാണ്. കീഴ്ക്കോടതി വിധിയിലെ നിയമപരമായ പിശകുകള് ചൂണ്ടിക്കാട്ടിയാണ് ഹര്ജി നല്കിയത്. എനിക്ക് ഉത്തമ ബോദ്ധ്യമുള്ള കാര്യങ്ങളാണ് പറഞ്ഞിട്ടുള്ളതും, കോടതിയില് സമര്പ്പിച്ചിട്ടുള്ളതും. എനിക്ക് ആത്മവിശ്വാസമുണ്ട്. തുടര്നടപടികള്ക്കായി കാത്തിരിക്കുന്നു.' മാത്യു കുഴല്നാടന് പ്രതികരിച്ചു. സിഎംആര്എല് കമ്പനിക്ക് മുഖ്യമന്ത്രി വഴിവിട്ട സഹായം നല്കിയെന്നായിരുന്നു മാത്യു കുഴല്നാടന്റെ ആരോപണം.കേസുമായി ബന്ധപ്പെട്ട് വിജിലന്സ് കോടതിയില് മാത്യു കുഴല്നാടന് സമര്പ്പിച്ച ഹര്ജി തള്ളിയിരുന്നു. കേസ് രാഷ്ട്രീയ പ്രേരിതമാണെന്ന് നിരീക്ഷണം നടത്തിയ ശേഷമായിരുന്നു ഹര്ജി തള്ളിയത്.എന്നാല് രാഷ്ട്രീയ നേതാക്കള്ക്കെതിരെ ഹര്ജിയെത്തുമ്പോള് വാദം കേള്ക്കാതെ തള്ളുന്നത് അപക്വമാണെന്ന് മാത്യു കുഴല്നാടന് വിമര്ശിച്ചിരുന്നു.
നേരത്തെ വീണ ഉള്പ്പെട്ട മാസപ്പടി കേസില് എന്ഫോഴ്മെന്റ് ഡയറക്ടറേറ്റ് അന്വേഷണം ആരംഭിച്ചിരുന്നു. ഇ.ഡിയുടെ കൊച്ചി യൂണിറ്റാണ് അന്വേഷണം നടത്തുന്നത്. കേസില് ഇ.ഡി. എന്ഫോഴ്സ്മെന്റ് കേസ് ഇന്ഫര്മേഷന് റിപ്പോര്ട്ട് (ഇ.സിഐ.ആര്.) രജിസ്റ്റര് ചെയ്തു. എസ്.എഫ്.ഐ.ഒയുടെയും ആദായ നികുതി വകുപ്പിന്റെയും റിപ്പോര്ട്ടിന്റെ അടിസ്ഥാനത്തിലാണ് നടപടി. വീണയുടെ എക്സാലോജിക് കമ്പനിയുടെ ഇടപാടുകള് അടക്കം ഇ.ഡിയുടെ അന്വേഷണ പരിധിയില് വരും. ഇക്കാര്യത്തില് ഇ.ഡി പ്രാഥമിക അന്വേഷണം നടത്തിയിരുന്നു. തുടര്ന്നാണ് ഇ.സിഐ.ആര് രജിസ്റ്റര് ചെയ്ത് അന്വേഷണം ആരംഭിച്ചത്. കരിമണല് കമ്പനിയായ സിഎംആര്എലില്നിന്ന് എക്സാലോജിക് സൊലൂഷന്സ് കമ്പനിക്ക് അനധികൃതമായി പണം ലഭിച്ചതിനെക്കുറിച്ചാണ് സീരിയസ് ഫ്രോഡ് ഇന്വെസ്റ്റിഗേഷന് ഓഫിസ് (എസ്എഫ്ഐഒ) അന്വേഷണം നടക്കുന്നത്.
https://www.facebook.com/Malayalivartha