സഞ്ചാരികള്‍ക്ക് കുളിരേകും കാഴ്ചകളുമായി കാറ്റുപാറ. കൊച്ചി മധുര ദേശീയ പാതയില്‍ ബോഡിമെട്ടിനു സമീപമാണ് കാറ്റുപാറ ദേശീയപാതയില്‍ തമിഴ്‌നാട് തേനി ജില്ലയില്‍ സ്ഥിതിചെയ്യുന്ന ഇവിടെ വലിയരീതിയില്‍ കാറ്റ് വീശിയടിക്കുന്നത്.

നിരവധി വിനോദസഞ്ചാരികളാണ് ഇവിടെയിറങ്ങി ഫോട്ടോയെടുക്കാനായി സമയം കണ്ടെത്തുന്നത്. ഇവിടം നിരവധി സിനിമകള്‍ക്കും വേദിയായിട്ടുണ്ട്. മണ്‍സൂണ്‍ കാലങ്ങളില്‍ വീശുന്ന കനത്ത കാറ്റും ചിന്നി ചിതറി പെയ്യുന്ന മഴയും സഞ്ചാരികളുടെ മനസ്സ് നിറയ്ക്കും. അടര്‍ന്നുവീഴാറായപോലെയാണ് പാറയുള്ളത്.

റോഡ് നവീകരണത്തിന്റെ ഭാഗമായി കുറച്ചുഭാഗം അടര്‍ന്നുപോയിട്ടുണ്ട്. കനത്ത കാറ്റുവീശുന്ന പ്രദേശ മായതിനാലാണ് കാറ്റുപാറ എന്ന് ഈ പ്രദേശത്തെ വിളിക്കുന്നത്.