ഐ.ടി.ഐ, എച്ച്.എ.എല്‍ ഫുട്ബാള്‍ ക്ലബുകളിലെ മുന്‍ താരം മഹാദേവപുര ഗുരുറെഡ്ഡി ലേഔട്ട് സ്വദേശി ടി. മാത്യൂസ് അന്തരിച്ചു
ഐ.ടി.ഐ, എച്ച്.എ.എല്‍ ഫുട്ബാള്‍ ക്ലബുകളിലെ മുന്‍ താരം മഹാദേവപുര ഗുരുറെഡ്ഡി ലേഔട്ട് സ്വദേശി ടി. മാത്യൂസ് (71) അന്തരിച്ചു. ഫ്രേസര്‍ ടൗണിലെ കെന്നഡി സ്‌പോര്‍ട്‌സ് ക്ലബിലൂടെ കളിയാരംഭിച്ച മാത്യൂസ്, ആദ്യം എച്ച്.എ.എല്‍ ടീമിന്റെയും പിന്നീട് ഐ.ടി.ഐ ടീമിന്റെയും ഭാഗമായി. കൊല്‍ക്കത്ത വമ്പന്മാരായ ഈസ്റ്റ് ബംഗാളിനായും ബൂട്ടുകെട്ടിയിട്ടുണ്ട്.
കുവൈത്തില്‍ നടന്ന അന്താരാഷ്ട്ര ടൂര്‍ണമെന്റില്‍ ഇന്ത്യന്‍ ജൂനിയര്‍ ടീമിനായും കളത്തിലിറങ്ങിയിട്ടുണ്ട്. സന്തോഷ് ട്രോഫിയില്‍ ബംഗാളിനെ പ്രതിനിധീകരിക്കുകയുണ്ടായി. പിന്നീട് ഐ.ടി.ഐയില്‍ തിരിച്ചെത്തിയ മാത്യൂസ് 2011ല്‍ ഐ.ടി.ഐയില്‍നിന്ന് വിരമിച്ചു. ഭാര്യ മേരിയും രണ്ടു മക്കളുമടങ്ങുന്നതാണ് കുടുംബം.
മാത്യൂസിന്റെ നിര്യാണത്തില്‍ കര്‍ണാടക സ്റ്റേറ്റ് ഫുട്ബാള്‍ അസോസിയേഷന്‍ അനുശോചിച്ചു. സംസ്‌കാരം ഇന്ന് ഉച്ചക്ക് ഒന്നിന് അള്‍സൂര്‍ ക്രിസ്ത്യന്‍ സെമിത്തേരിയില്‍ നടക്കും.
"
https://www.facebook.com/Malayalivartha
