നടിയോടുള്ള ആരാധന വല്ലാതെ മൂത്തു; സോഷ്യല്‍ മീഡിയ വഴി വിവാഹ അഭ്യർത്ഥന; നിരസിച്ചപ്പോൾ പ്രതികാരം അശ്ലീല സന്ദേശത്തിലൂടെ ; പ്രമുഖ നടിയുടെ പരാതിയില്‍ ഇരുപത്തിയാറുകാരനെ പോലീസ് പൊക്കി
സിനിമാ താരത്തിന് സോഷ്യൽ മീഡിയ വഴി അശ്ലീല സന്ദേശം. സോഷ്യല്‍ മീഡിയ വഴി ശല്യം ചെയ്ത യുവാവിനെ തൂക്കിയെടുത്ത് പോലീസ് . ഡല്‍ഹിയിലെ ഒരു പ്രൈവറ്റ് കമ്ബനിയില്‍ ഫാര്‍മസിസ്റ്റായ നിഖില്‍ ഗംഗ്വാര്‍ എന്ന 26കാരനാണ് ഈ കുറ്റത്തിന് അറസ്റ്റിലായത്. ഇയാള്‍ ജാര്‍ഖണ്ഡ് സ്വദേശിയാണ്. കുടുംബത്തോടൊപ്പം ഡല്‍ഹിയില്‍ കഴിയുന്ന പ്രമുഖ തെലുങ്ക് താരത്തിന്‍റെ പരാതിയിലാണ് പൊലീസ് നടപടി സ്വീകരിച്ചത് .
അശ്ലീല സന്ദേശങ്ങള്‍ അയക്കുന്നുവെന്നും ഭീഷണിപ്പെടുത്തുവെന്നും പരാതിയിൽ ഉന്നയിച്ചിരുന്നു . നടിയോടുള്ള അമിത ആരാധന കൊണ്ടാണ് യുവാവ് ഇതൊക്കെ ചെയ്തുകൂട്ടിയെന്നാണ് പൊലീസ് പറയുന്നത്. 2016 മുതല്‍ നിഖില്‍ താരത്തെ ശല്യം ചെയ്യുന്നുണ്ട്. സോഷ്യല്‍ മീഡിയ വഴി ഇയാള്‍ പലതവണ വിവാഹ അഭ്യര്‍ഥന നടത്തി. ഇത് അവഗണിച്ചതാണ് വൈരാഗ്യത്തിന് കാരണമായത്. ഇതോടെ നിരവധി ഫേക്ക്‌അക്കൗണ്ടുകള്‍ സൃഷ്ടിച്ച്‌ കൂടുതല്‍ സന്ദേശങ്ങള്‍ അയക്കാന്‍ തുടങ്ങി. സന്ദേശങ്ങള്‍ പതിയെ അശ്ലീലതയിലേക്കും ഭീഷണിയിലേക്കും വഴിമാറുകയായിരുന്നു . കേസ് രജിസ്റ്റര്‍ ചെയ്ത് അന്വേഷണം ആരംഭിച്ച പൊലീസ് സോഷ്യല്‍ മീഡിയ അക്കൗണ്ടുകള്‍ വച്ച്‌ നടത്തിയ അന്വേഷണത്തില്‍ നിഖിലിനെ കണ്ടെത്തി അറസ്റ്റ് ചെയ്യുകയും ചെയ്‌തു.
https://www.facebook.com/Malayalivartha
