കണ്ണീരടക്കാനാവാതെ... മൈസൂരുവിന് സമീപം ബൈക്ക് അപകടത്തില്‍ മലയാളി യുവതിക്ക് ദാരുണാന്ത്യം. എരുമേലി സൗത്ത് എരുത്വാപ്പുഴ കളത്തൂര്‍ ബിജു- സുനിത ദമ്പതികളുടെ ഏക മകള്‍ കാര്‍ത്തിക ബിജു (25) ആണ് മരിച്ചത്.

ബൈക്കോടിച്ചിരുന്ന പാലക്കാട് ഒറ്റപ്പാലം മാങ്കോട് തൃക്കടേരി ചാമണ്ണൂര്‍ ഗോപാലകൃഷ്ണന്റെ മകന്‍ ജി. ഗിരിശങ്കര്‍ തരകന് (26) പരുക്കേറ്റു. ഇന്നലെ ഉച്ചയ്ക്ക് മൈസൂരുനഞ്ചന്‍ഗുഡ് ദേശീയപാതയിലായിരുന്നു അപകടം നടന്നത്. ബെംഗളൂരുവില്‍ സ്വകാര്യ കമ്പനിയില്‍ ജോലി ചെയ്യുകയായിരുന്നു കാര്‍ത്തിക. അവധിക്ക് നാട്ടിലേക്ക് വരാനിരിക്കെയാണ് ദുരന്തമുണ്ടായത്.