ലോകത്തിൽ തന്നെ മഹാമാരിയായി പതിനായിരക്കണക്കിന് ആളുകളുടെ ജീവൻ അപഹരിച്ച കൊറോണ വൈറസിനെ ഭീതിയോടെ തന്നെയാണ് നോക്കികാണുന്നത്. അത്തരം ഒരു സാഹചര്യത്തിൽ അതിജീവനത്തിന്റെ കഥകൾ ഏറെ ആത്മവിശ്വാസം പകരുകയാണ്. ഇറ്റലിയിൽ അനവധിപേരുടെ ജീവനാണ് കൊറോണ കവർന്നെടുത്തത്.

നേതാക്കൾ പോലും നിസ്സഹായരായി നിൽക്കുമ്പോഴാണ് ലോകത്തിലെ തന്നെ ഏറ്റവ്യത്തെ പ്രായമേറിയ ഇറ്റലിയിലെ ഇറ്റാലിയ എന്ന മുത്തശി കോറോണയെ അതിജീവിച്ചതായി വാർത്തകൾ പുറത്തേക്ക് വന്നത്. എന്നാൽ ഓർക്കണം ഇപ്പോൾ ഇറ്റലി അതിജീവനത്തിന്റെ പാതയിലാണ്. പറഞ്ഞതീരുന്നില്ല വികസ്വരരാജ്യമായ നമ്മുടെ ഇന്ത്യയിൽപോലും ഏറ്റവും പ്രായമേറിയ ദമ്പതികൾ കോറോണയെ അതിജീവിച്ചു. അതും നമ്മുടെ കേരളത്തിലെ തന്നെയാണ്. ഇപ്പോഴിതാ മറ്റൊരു ശുഭ വാർത്ത അതും പ്രവാസലോകത്ത് നിന്നുതന്നെ.

പ്രവാസികൾക്ക് പ്രതീക്ഷയുടെ കിരണം പകര്ന്ന് ജനിച്ചു നാലാം ദിവസം കോവിഡ് ബാധിച്ച നവജാത ശിശു രോഗമുക്തി നേടി ആശുപത്രി വിടുകയുണ്ടായി. റിയാദിലെ ദവാദിമിയിലാണു സംഭവം നടന്നത്. കോവിഡിനെ അതിജീവിക്കുന്ന ഏറ്റവും പ്രായംകുറഞ്ഞ കുട്ടിയാണ് ഖാലിദെന്നും സൗദി നൽകി വരുന്ന മികച്ച പരിചരണമാണ് രോഗത്തെ അതിജീവിക്കാൻ കരുത്തായതെന്നും ആരോഗ്യമന്ത്രാലയം അറിയിക്കുകയുണ്ടായി. അതിജീവനത്തിന്റെ പ്രതീകമായ ഖാലിദിനു ആശുപത്രി ജീവനക്കാരും മറ്റും ചേർന്ന് ഔദ്യോഗികമായി യാത്രയയപ്പും നൽകി. എന്നാൽ ഓർക്കുക സൗദയിൽ ഒത്തിരിയേറെപേർക്ക് ദിനംപ്രതി രോഗം സ്ഥിരീകരിക്കുകയാണ്. പ്രത്യേകിച്ച് മരണം സംഭവിച്ചതായുള്ള വാർത്തകളും കുറവൊന്നുമില്ല.ആ ഒരു സാഹചര്യത്തിലാണ് ഇത്തരം ശുഭവാർത്ത ഏറെ പ്രതീക്ഷയായി തീർന്നത്.

അതോടൊപ്പം തന്നെ സൗദിയില്‍ 24 മണിക്കൂറിനുള്ളില്‍ 61 പേര്‍ക്കുകൂടി കോവിഡ് 19 കൊറോണ വൈറസ് സ്ഥിരീകരിച്ചതോടെ രാജ്യത്ത് കൊറോണ വൈറസ് രോഗികളുടെ എണ്ണം 2463 ആയി ഉയര്‍ന്നു. രോഗം സ്ഥിരീകരിച്ചവരില്‍ 1941 കേസുകളാണ് ആക്ടീവായിട്ടുള്ളത് തന്നെ. ബാക്കിയുള്ളവരില്‍ നിന്നും 488 പേര്‍ക്ക് രോഗം സുഖപ്പെടുകയും 34 പേരുടെ മരണം രേഖപ്പെടുത്തുകയും ചെയ്തു. എന്നാൽ മണിക്കൂറുകൾക്കിടയിൽ രണ്ട് പ്രവാസി മലയാളികളാണ് കോവിഡ് സ്ഥിരീകരിച്ചതിനെ തുടർന്ന് മരണപ്പെട്ടത്.

പനി ബാധിച്ച് നാലു ദിവസമായി സൗദി ജര്‍മന്‍ ആശുപത്രിയില്‍ ചികിത്സയിലായിരുന്ന മലപ്പുറം തിരൂരങ്ങാടി സ്വദേശിയാണ് മരിച്ചത്. തിരൂരങ്ങാടി ചെമ്മാട് നടമ്മല്‍ പുതിയകത്ത് സഫ്വാന്‍ (38) ആണ് ശനിയാഴ്ച രാത്രി 9.30 ഓടെ മരിച്ചതായുള്ള വാർത്തകൾ പുറത്തേക്ക് വന്നത്. അതോടൊപ്പം തന്നെ കോവിഡ്19 ബാധിച്ച് പാനൂര്‍ സ്വദേശിയായ യുവാവ് സൗദി അറേബ്യയിലെ മദീനയില്‍ വെച്ച് മരിക്കുകയുണ്ടായി. പാനൂര്‍ നഗരസഭയില്‍ മീത്തലെ പൂക്കോം ഇരഞ്ഞി കുളങ്ങര എല്‍പി സ്‌ക്കൂളിന് സമീപം തെക്കെകുണ്ടില്‍ സാറാസില്‍ മമ്മുവിന്റെയും ഫൗസിയയുടെയും മകന്‍ ഷബ്‌നാസ് (28) ആണ് മരിച്ചതായുള്ള വാർത്തകൾ ആദ്യം എത്തിയത്.