ഖത്തറിൻെറ കോവിഡ്​ ട്രാക്കിങ്​ ആപ്പായ ‘ഇഹ്​തിറാസ്​’ ഇനി വിസിറ്റ്​ വിസ, ഫാമിലി വിസിറ്റ്​ വിസ, ബിസിനസ്​ വിസ തുടങ്ങിയ എല്ലാ വിസക്കാർക്കും ഉപയോഗിക്കാം എന്ന് റിപോർട്ടുകൾ . ആഭ്യന്തരമന്ത്രാലയമാണ്​ ഇഹ്​തിറാസിൻെറ പുതിയ വേർഷൻ ഇറക്കിയിരിക്കുന്നത്​. പുതിയ വേർഷൻ നിലവിൽ പ്ലേ സ്റ്റോറിൽ ലഭ്യമാണ്​. ആപ്​ സ്റ്റോറിൽ ഉടൻ ലഭ്യമാകും എന്നാണ് അധികൃതർ പറയുന്നത് . വിസ നമ്പർ ആണ്​ ഇത്തരം വിസക്കാർക്കായി ഇഹ്​തിറാസിൽ രജിസ്​ട്രേഷനായി ചോദിക്കുന്നത്

നിലവിൽ ഇഹ്​തിറാസ്​ ഉള്ള ആളുകൾ അത് അൺ ഇൻസ്​റ്റാൾ ചെയ്യരുത് എന്ന് നിർദേശമുണ്ട്.​. ​പ്ലേ സ്​​റ്റോറിൽ പോയി ആപ്പ്​ അപ്​ഡേറ്റ്​ ചെയ്യുകയാണ്​ ചെയ്യേണ്ടത്​. ഇങ്ങനെ ചെയ്യുമ്പോൾ നിലവിൽ ആപ്പ്​ ഉപയോഗിക്കുന്ന ആളുകളോട്​ വീണ്ടും രജിസ്​​ട്രേഷൻ നമ്പർ ചോദിക്കില്ല.

ഇതുവരെ ഖത്തർ ഐ.ഡി ഉള്ളവർക്ക്​ മാത്രമായിരുന്നു ഇഹ്​തിറാസ്​ ആപ്പ്​ഉപയോഗിക്കാൻകഴിഞ്ഞിരുന്നത്​. നിലവിൽഖത്തറിൽ പുറത്തിറങ്ങുന്ന എല്ലാവരുടെയും മാബൈലുകളിൽ ആപ്പ്​ വേണം. ഇതിൻെറ ബാർകോഡിൽ പച്ച കളർ ഉള്ളവരെ മാത്രമാണ്​ പുറത്തിറങ്ങാൻഅനുവദിക്കുന്നുള്ളു എന്ന് അധികൃതർ അറിയിച്ചു . മാളുകളിലും ഷോപ്പിങ്​ കേന്ദ്രങ്ങളിലും ബാങ്കുകളിലും ആശുപത്രികളിലും പ്രവേശനത്തിന്​ ഉപഭോക്​താക്കൾക്ക്​ ഇഹ്​തിറാസിൽ പച്ച വർണം വേണം.

ഐ ഫോൺ 6 എസിന്​ (വേർഷൻ 13ന്​ മുകളിൽ) മുകളിലുള്ളതിലും ആൻഡ്രോയ്​ഡ്​ 5ഉം അതിനുമുകളിലുമുള്ള ഫോണുകളിലും മാത്രമേ ആപ്പ്​ ഡൗൺലോഡ്​ ചെയ്യാൻ നിലവിൽ പറ്റുന്നുള്ളൂ.

മന്ത്രാലയത്തിന്റെ ഡാറ്റാബേസുമായി ബന്ധിപ്പിച്ച് മൊബൈലിലെ ജി പി എസ്​, ബ്ലൂടൂത്ത് എന്നിവ ഉപയോഗിച്ചാണ് ആപ്പിന്റെ പ്രവർത്തനം. ബ്ലൂടൂത്ത്​ സാ​​ങ്കേതിക വിദ്യയാണ്​ പ്രധാനമായും ഉപയോഗിക്കുന്നത്​. നമ്മുടെ ഒന്നര മീറ്റർ അടുത്തുകൂടി ​ കഴിഞ്ഞ 14 ദിവസത്തിനുള്ളിൽ ഒരു കോവിഡ്​ രോഗി കടന്നുപോയിട്ടുണ്ടെങ്കിൽ ഇത്​ സംബന്ധിച്ച ജാഗ്രതനിർദേശം ആപ്പിലൂടെ ലഭിക്കും. കോവിഡ്​ പോസിറ്റീവായ രോഗി ഏതെങ്കിലും ആശുപത്രിയിൽ ചികിൽസക്കായി എത്തുന്നതോടെയാണിത്​.

അയാളുടെ അടുത്തുകൂടി ഈ ദിനങ്ങളിൽ കടന്നുപോയ എല്ലാവർക്കും ജാഗ്രതാനിർദേശം ലഭിക്കും. അയാളുടെ ആപ്പിലെ ബാർകോഡിൻെറ നിറം ചുവപ്പാവുകയും ചെയ്യും. മറ്റുള്ളവരുടെ ആപ്പിലും നിറ വ്യത്യാസം വന്നിരിക്കും. ഗ്രേ ആണ്​ ഒരാൾക്ക്​ കിട്ടുന്നതെങ്കിൽ നമ്മുടെ അടുത്തുകൂടി പോയ ഏതോ ഒരാൾ​ കോവിഡ്​ പോസിറ്റീവ്​ ആണ്​ എന്നാണർഥം. ഇതോടെ നമുക്ക്​ ജാഗ്രത പാലിച്ച്​ പുറത്തിറങ്ങാതെ വീട്ടിൽ തന്നെ കഴിയാം.

അതേസമയം ചുവപ്പ്​ ആണ്​ കളറെങ്കിൽ നമ്മളെ ആരോഗ്യപ്രവർത്തകർ ചികിൽസാകേന്ദ്രങ്ങളിലേക്ക്​ കൊണ്ടുപോകും. ഇഹ്​തിറാസ്​ ആപ്പിൻെറ ബാർകോഡിൽ പച്ചക്കളർ ഉള്ളവർ മാത്രം ഖത്തറിൽ പുറത്തിറങ്ങുന്ന അവസ്​ഥയാണ്​ നിലവിൽ. അതായത്​ ചുവപ്പ്​, ഓറഞ്ച്​, ഗ്രേ എന്നീ വർണങ്ങൾ ആപ്പിൽ ഉള്ളവരൊന്നും രോഗം മാറുന്നതുവരെ പുറത്തിറങ്ങാത്ത സ്​ഥിതിയാണ്​. പച്ച കളർ ഉള്ളവരെ മാത്രം പുറത്തിറങ്ങാൻ അനുവദിക്കും. ഇതോടെ കോവിഡിൻെറ സമൂഹവ്യാപനം നിലക്കുകയും പതിയേ രാജ്യം മുഴുവൻ കോവിഡ്​ മുക്​തമാകുകയും ​െചയ്യുമെന്നാണ്​ അധികൃതരു​െട പ്രതീക്ഷ.

ഒരു മാളിലോ സിനിമാതിയേറ്ററിലോ കടയിലോ പോകു​േമ്പാൾ ഉപഭോക്​താവിൻെറ ഇഹ്​തിറാസ്​ ആപ്പ്​ നോക്കിയിട്ട്​ പച്ച കളർ ഉള്ളവർക്ക്​ മാത്രം പ്രവേശനം കിട്ടും. ആളുകൾ കൂടുന്ന ഇടങ്ങളിൽ കോവിഡ്​ സംശയിക്കുന്ന ആരും ഇല്ലാതാകും. ആപ്പ്​ ഡൗൺലോഡ്​ ചെയ്യുന്ന ഫോണിൽ ബ്ലൂ ടൂത്ത്​ ഓൺ അല്ലെങ്കിലും നിശ്​ചിത സമയത്ത്​ അത്​​ തനിയെ ഓണാകും.