സുരക്ഷിത സ്കൂള് ബസ് സംവിധാനത്തിന് മസ്‌കത്ത് ഇന്ത്യന്‍ സ്‌കൂളില്‍ തുടക്കമായി
ഏറ്റവുമധികം വിദ്യാര്‍ഥികള്‍ പഠിക്കുന്ന മസ്‌കത്ത് ഇന്ത്യന്‍ സ്‌കൂളില്‍ സുരക്ഷിത ബസ് ഗതാഗത സംവിധാനത്തിന് തുടക്കമായി. മൂന്നുമാസത്തേക്ക് പരീക്ഷണാടിസ്ഥാനത്തിലാണ് ആദ്യഘട്ട സര്‍വിസ് ആരംഭിച്ചിരിക്കുന്നതെന്ന് ഇന്ത്യന്‍ സ്കൂള് ബോര്‍ഡ് ചെയര്‍മാന്‍ വില്‍സണ്‍ വി.ജോര്‍ജ് അറിയിച്ചു. മസ്‌കത്ത് കേന്ദ്രമായുള്ള സൈദ് സഊദ് സെയ്ഫ് ട്രേഡിങ്, സഹ്ബാന്‍ യുനൈറ്റഡ്എല്‍.എല്‍.സി, മര്‍വാന്‍ ഇന്റര്‍നാഷനല്‍ എല്‍.എല്‍.സി എന്നീ കമ്പനികള്‍ക്കാണ് സര്‍വിസ് നടത്താന്‍ അനുമതി നല്‍കിയിരിക്കുന്നത്. മൂന്ന് മാസം സര്‍വീസുകളുടം കാര്യക്ഷമത നിരീക്ഷിക്കകയും പാളിച്ചകള്‍ ഉണ്ടെങ്കില്‍ തിരുത്തുന്നതിനുളള നടപടികള്‍ സ്വീകരിക്കുകയും ചെയ്യും. കുട്ടികളുടെ എണ്ണവും ആവശ്യവും അനുസരിച്ച് പുതിയ ബസ്‌റൂട്ടുകള്‍ ആരംഭിക്കുന്നതിനെക്കുറച്ച് രക്ഷിതാക്കളുമായി ചര്‍ച്ചനടത്തുമെന്നും സ്കൂള് ചെയര്‍മാന്‍ അറിയിച്ചു. സ്വകാര്യ ബസ് ഓപറേറ്റര്‍മാരുടെ അശ്രദ്ധമൂലമുള്ള അപകടങ്ങളും സര്‍വിസുകളെ കുറിച്ച പരാതികളും വര്‍ധിച്ചപ്പോഴാണ് സ്‌കൂളിന്റെ നേരിട്ടുള്ള നിയന്ത്രണത്തില്‍ ബസ് സര്‍വീസ് ആരംഭിക്കാന്‍ സ്കൂള് ബോര്‍ഡ് നടപടികള്‍ ആരംഭിച്ചത്. ദാര്‍സൈത്ത് ഇന്ത്യന്‍ സ്‌കൂളിലാണ് ഈ സംവിധാനം ആദ്യമായി ആരംഭിച്ചത്. തുടര്‍ന്ന് സീബ്, മബേല സ്‌കൂളുകളിലും ആരംഭിച്ചു. ദാര്‍സൈത്തിലും സീബിലും ഓരോ ഓപറേറ്റര്‍മാര്‍ വീതവും മബേലയില്‍ രണ്ട് ഓപറേറ്റര്‍മാരുമാണ് സര്‍വിസ് നടത്തുന്നത്.
സലാല, മുലദ സ്‌കൂളുകളിലാണ് അടുത്ത ഘട്ടത്തില്‍ സര്‍വിസ് ആരംഭിക്കുക. ഇതിനായുള്ള നടപടികള്‍ നടന്നുകൊണ്ടിരിക്കുകയാണെന്നും ചെയര്‍മാന്‍ പറഞ്ഞു. സുരക്ഷക്ക് ഏറെ മുന്‍ഗണന നല്‍കുന്നതാണ് പൂതിയ സ്കൂള് ബസ് സംവിധാനം. ഇവ പൂര്‍ണമായി പാലിക്കുന്ന ബസുകള്‍ക്ക് മാത്രമാണ് സര്‍വിസ് നടത്താന്‍ അനുവാദം നല്‍കുക. ബസിന്റെ അമിത വേഗം, ബ്രേക്കിടല്‍ തുടങ്ങി വാഹനം ഓടിക്കുന്നവരുടെ എല്ലാ വിവരങ്ങളും പൂര്‍ണമായി നിരീക്ഷിക്കാന്‍ കഴിയുന്ന ഐ.വി.എം.എസ് സംവിധാനം ഇതിലുണ്ട.് ഇതോടൊപ്പം, ബസിനുള്ളില്‍ സി.സി.ടി.വി കാമറയും ഉണ്ടാകും. എല്ലാ കുട്ടികള്‍ക്കും ഇരിക്കാനുള്ള സീറ്റ് സംവിധാനം, സീറ്റ് ബെല്‍റ്റ് എന്നിവയും നിര്‍ബന്ധമാണ്. ഏറെ നാളുകളായുള്ള ആഗ്രഹങ്ങള്‍ക്കും ഒരുക്കങ്ങള്‍ക്കും ഒടുവിലാണ് സ്കൂള് നിയന്ത്രിത ബസ് സര്‍വിസുകള്‍ ആരംഭിച്ചതെന്നും എല്ലാ രക്ഷാകര്‍ത്താക്കളും ഇതിനോട് സഹകരിക്കണമെന്നും ചെയര്‍മാന്‍ ്അഭ്യര്‍ഥിച്ചു.
https://www.facebook.com/Malayalivartha
