ദക്ഷിണാഫ്രിക്കക്കെതിരായ മൂന്നാം ടെസ്റ്റില് രോഹിത് ശര്മക്ക് ഇരട്ടസെഞ്ച്വറി
ദക്ഷിണാഫ്രിക്കക്കെതിരായ മൂന്നാം ടെസ്റ്റില് രോഹിത് ശര്മക്ക് ഇരട്ടസെഞ്ച്വറി. 212 റണ്സെടുത്താണ് രോഹിത് പുറത്തായത്. 28 ബൗണ്ടറിയും ആറ് സിക്സറുകളും ഉള്പ്പെടുന്നതാണ് രോഹിതിന്റെ ഇന്നിങ്സ്. റബാദയുടെ പന്തില് എന്ഗിഡിക്ക് ക്യാച്ച് നല്കിയാണ് പുറത്തായത്. രോഹിത് ശര്മയുടെ ആദ്യ ടെസ്റ്റ് ഇരട്ടസെഞ്ച്വറിയാണിത്. ഒടുവില് വിവരം കിട്ടുമ്പോള് ഒന്നാമിന്നിങ്സില് അഞ്ച് വിക്കറ്റിന് 375 റണ്സ് എന്ന നിലയിലാണ് ഇന്ത്യ.നേരത്തെ അജിങ്ക്യ രഹാനെ(115) സെഞ്ച്വറി നേടിയിരുന്നു. 17 ബൗണ്ടറിയുടെയും ഒരു സിക്സിന്റെയും അകമ്ബടിയോടെയാണ് രഹാനെ 115 റണ്സെടുത്തത്.
രോഹിത് ശര്മയുടെയും രഹാനെയുടെയും ബാറ്റിങ് മികവിലാണ് മുന്നിരയുടെ തകര്ച്ചയില് നിന്നും ഇന്ത്യ കരകയറിയത്.
രവീന്ദ്ര ജഡേജ (15), വൃദ്ധിമാന് സാഹ (അഞ്ച്) എന്നിവരാണ് ക്രീസില്.ഒന്നാം ദിവസത്തെമൂന്ന് വിക്കറ്റ് നഷ്ടത്തില് 224 എന്ന സ്കോറില് നിന്നാണ് ഇന്ത്യ ഇന്ന് ബാറ്റിങ് പുനരാരംഭിച്ചത്.ടോസ് നേടി ബാറ്റിങ് തെരഞ്ഞെടുത്ത ഇന്ത്യക്ക് 39 റണ്സെടുക്കുന്നതിനിടെ മൂന്ന് വിക്കറ്റുകള് ആദ്യ ദിനത്തില് തന്നെ നഷ്ടമായിരുന്നു. മായങ്ക് അഗര്വാള് (10), ചേതേശ്വര് പൂജാര (പൂജ്യം), ക്യാപ്റ്റന് വിരാട് കോഹ്ലി (12) എന്നിവരാണ് തുടക്കത്തിലേ പുറത്തായത്. മുന്നിര തകര്ന്ന് ഇന്ത്യ വന് തകര്ച്ചയെ അഭിമുഖീകരിച്ചെങ്കിലും രോഹിത് ശര്മയും അജിങ്ക്യ രഹാനെയും ചേര്ന്നുള്ള കൂട്ടുകെട്ട് ആതിഥേയരെ മത്സരത്തിലേക്ക് തിരികെയെത്തിക്കുകയായിരുന്നു.
https://www.facebook.com/Malayalivartha