ഗ്ലെന് മാക്സ്വെല് ബ്രേക്കെടുക്കുന്നു; പരിക്കല്ല, മാസികാരോഗ്യമാണ് കാരണം.
മഞ്ഞപടയുടെ ഗ്ലെന് മാക്സ്വെല്, ക്രിക്കറ്റില് നിന്ന് താത്കാലികമായി ബ്രേക്കെടുക്കുന്നു. പരിക്കല്ല, മാസികാരോഗ്യമാണ് കാരണം. ടീം സൈക്കോളജിസ്റ്റ് ഡോ.മൈല് ലോയ്ഡാണ് മനസിന് സുഖമില്ലാത്തതിനാല് മാക്സ്വെല് താത്കാലികമായി ക്രിക്കറ്റില് നിന്ന് ബ്രേക്കെടുക്കുന്ന വിവരം വെളിപ്പെടുത്തിയത്. മാക്സ്വെല് താന് അനുഭവിക്കുന്ന മാനസിക ബുദ്ധിമുട്ടുകള് നേരത്തെ തന്നെ തിരിച്ചറിഞ്ഞുവെന്നും ഡോ. ലോയ്ഡ് പറഞ്ഞു.
ഓസ്ട്രേലിയയുടെ സ്റ്റാര് ഓള്റൗണ്ടര് മാക്സ്വെല്ലിൻ സുഖം പ്രാപിച്ച് തിരിച്ചുവരാന് ടീമിന്റെ പൂര്ണ പിന്തുണയുണ്ടെന്നും ടീമില് അധികം വൈകാതെ തിരിച്ചെത്താന് ഇത് അദ്ദേഹത്തെ സഹായിക്കുമെന്നും ക്രിക്കറ്റ് ഓസ്ട്രേലിയ പറഞ്ഞു.ഓസ്ട്രേലിയക്കുവേണ്ടി ഏഴ് ടെസ്റ്റും 110 ഏകദിനങ്ങളും 61 ടി20 മത്സരങ്ങളുമാണ് മാക്സ്വെല് കളിച്ചിട്ടുള്ളത്. ഏകദിനത്തില് ഒരു സെഞ്ചുറി അടക്കം 2877 റണ്സും 50 വിക്കറ്റുകളും ടി20യില് മൂന്ന് സെഞ്ചുറി അടക്കം 1576 റണ്സും 26 വിക്കറ്റും സ്വന്തമാക്കിയിട്ടുണ്ട്.
https://www.facebook.com/Malayalivartha