ഐപിഎല്‍ 13-ാം പതിപ്പില്‍ ചെന്നൈ തോറ്റിരുന്നു. എന്നാൽ ധോനിയും സംഘത്തിന്റെയും ടൂര്‍ണമെന്റിലെ പ്രകടനങ്ങള്‍ അടിപൊളിയായിരുന്നു. ഏഴ് പന്ത് ബാക്കി നില്‍ക്കെ ഒമ്ബത് വിക്കറ്റിനാണ് ചെന്നൈ പഞ്ചാബിന് മേല്‍ ജയം നേടിയത്. തുടര്‍ച്ചയായ മൂന്നാം മത്സരത്തിലും അര്‍ധ സെഞ്ച്വറി നേടിയ ഋതുരാജ് ഗെയ്ക് വാദിന്റെ പ്രകടനം ഏറെ ശ്രദ്ധനേടുകയും ചെയ്തു . 49ല്‍ പന്തില്‍ 62 റണ്‍സാണ് ഋതുരാജ് ഇന്നലെ അടിച്ചെടുത്തത്. ഗെയ്ക് വാദില്‍ നിങ്ങള്‍ ഒരു കുഞ്ഞു കോഹ്‌ലിയെ കാണുന്നില്ലേ എന്നാണ് ഫാഫ് ഡുപ്ലസി ഈ പ്രകടനത്തെക്കുറിച്ച്‌ ചോദിച്ചത്.

ഋതുരാജിന് കൂട്ടായി തൊട്ടടുത്തുനിന്ന് ആ ഇന്നിങ്സ് കണ്ടശേഷമായിരുന്നു ഡുപ്ലസിയുടെ പ്രതികരണം. ഡുപ്ലസി പറഞ്ഞതിങ്ങനെ. 'ഞങ്ങള്‍ക്ക് ഇത് നിരാശയുടെ സീസണ്‍ ആയിരുന്നു. പക്ഷെ, അവസാനം ഞങ്ങള്‍ മൂന്ന് ജയങ്ങള്‍ നേടിയെടുത്തു. ഗെയ്ക് വാദില്‍ നിങ്ങള്‍ ഒരു കുഞ്ഞു കോഹ്‌ലിയെ കാണുന്നില്ലേ. സമ്മര്‍ദങ്ങളെ അതിജീവിക്കാന്‍ ആ ചെറുപ്പക്കാരന് സാധിക്കുന്നു എന്നതാണ് പ്രത്യേകത. യുവതാരങ്ങള്‍ അടുത്ത തലത്തിലേക്ക് ഉയരുന്നു എന്നത് ഈ ടൂര്‍ണമെന്റിലെ പ്രത്യേകതയാണ്' .