റഷ്യയിലെ വേൾഡ്കപ്പ് ലൂസേഴ്‌സ് ഫൈനൽ മത്സരത്തിലെ മൂന്നാം മിനുട്ടിൽ തോമസ് മുയ്‌നീർ ഇംഗ്ലണ്ടിനെതിരെ ബെല്ജിയത്തിന്റെ ആദ്യ ഗോൾ നേടി. ഇതോടെ ഗോൾ സ്കോറർമാരുടെ എണ്ണത്തിലും ബെൽജിയം റെക്കോർഡിട്ടിരിക്കുകയാണ്. സെൽഫ് ഗോളുകൾ ഒഴിച്ചു നിർത്തിയാൽ ബെൽജിയത്തിനു വേണ്ടി 10 വ്യത്യസ്ത കളിക്കാരാണ് ഗോളടിച്ചത്. ഇതിനു മുൻപ് 2006 ൽ ഇറ്റലിക്കും 1982 ഫ്രാൻസിനും വേണ്ടി മാത്രമാണ് 10 കളിക്കാർ ഗോൾ നേടിയിട്ടുള്ളത്.

ഇംഗ്ലണ്ടിനെതിരായ ആദ്യ ഗോളോടെ ബെൽജിയത്തിന് ഈ ലോകകപ്പിൽ 15 ഗോളുകളായി. ബെൽജിയം അവരുടെ ലോകകപ്പ് ചരിത്രത്തിൽ ആദ്യമായാണ് ഒരു ലോകകപ്പിൽ ഇത്രയും ഗോളുകൾ നേടുന്നത്.