മീശയില്‍ തൊട്ടുകളിച്ചതോടെ കളി മാറി...ഫ്രാന്‍സ് ലോകകപ്പ് നേടിയതിന് 'കാരണം' ആദില്‍ റാമിയുടെ കൊമ്പന്‍ മീശ
ആദില്‍ റാമിയുടെ മീശ ഫ്രാന്‍സില്‍ ഇപ്പോള്‍ സൂപ്പര്‍ ട്രെന്‍ഡാണ്. റാമിയുടെ ചുരുട്ടിയ സുന്ദരന്‍ മീശയാണ് റഷ്യ ലോകകപ്പില്‍ തങ്ങള്‍ക്ക് കിരീടം നേടിത്തന്നത് എന്ന ടീമിലെ കളിക്കാരുടെ വിചിത്ര വിശ്വാസമാണ് പ്രതിരോധ താരത്തിന്റെ മീശ ട്രെന്‍ഡാകാന്‍ കാരണം. ലോകകപ്പില്‍ ഒറ്റ കളിക്ക് പോലും ഫ്രാന്‍സ് നിരയില്‍ ഇറങ്ങാതിരുന്ന റാമിയുടെ മീശ തൊട്ട് കളിക്കാനിറങ്ങിയാല്‍ വിജയം സുനിശ്ചിതമാണെന്നാണ് അന്റോണിയോ ഗ്രീസ്മാന്‍ ഉള്‍പ്പടെയുള്ള താരങ്ങളുടെ വിചിത്ര വിശ്വാസം. 1998 ലോകകപ്പിലും ഇതുപോലുള്ള വിചിത്ര വിശ്വാസം ടീമിനുണ്ടായിരുന്നുവെന്നതാണ് റിപ്പോര്‍ട്ടുകള്‍. ഗ്രീസ്മാനും ടീം മാനേജ്മന്റെിലെ പലരും ടീമിന് ഭാഗ്യം കൈവരാന്‍വേണ്ടി പരിശീലനത്തിനിടെ തന്റെ മീശയില്‍ സ്പര്‍ശിച്ചതായും ഫ്രാന്‍സിലെ ഏറ്റവും പ്രശസ്തമായ മീശയുടെ ഉടമയായതിനാല്‍തന്നെ അത് നിലനിര്‍ത്തുമെന്നും 32കാരനായ മാഴ്‌സെ താരം പറയുന്നത്. ബാക്കിയുള്ളവര്‍ക്ക് അപരചിതത്വം തോന്നുന്നുവെങ്കിലും ഫ്രാന്‍സിന് ഇക്കാര്യം പുതുമയല്ല.ഇന്ന് റാമിയാണെങ്കില്‍ അന്ന് ഗോള്‍കീപ്പര്‍ ബര്‍തെയ്‌സായിരുന്നു. ബര്‍തെയ്‌സിന്റെ മൊട്ടത്തലിയില്‍ ഉമ്മവെച്ച് ഇറങ്ങിയ ലോറന്റ് ബ്ലാങ്ക് അന്ന് കളിച്ച കളികളെല്ലാം ജയിച്ചിരുന്നുവെന്നാണ് പറയപ്പെടുന്നത്.
https://www.facebook.com/Malayalivartha
