ഫുട്ബോൾ ലോകത്തെ ഞെട്ടിക്കാൻ തയാറായി സ്പാനിഷ് ക്ലബ് റയൽ മാഡ്രിഡ്. നിലവിൽ ഏറ്റവും വലിയ ട്രാൻസ്ഫെർ സൂപ്പര്‍ താരം നെയ്മറിനെ സ്വന്തമാക്കാന്‍ ഫ്രഞ്ച് ക്ലബ്ബ് പാരിസ് സെന്റ് ജെര്‍മെന്‍ (പിഎസ്ജി) നല്‍കിയ 222 മില്ല്യന്‍ യൂറോ (1600 കോടി രൂപയോളം) ആണ്. എന്നാൽ ഈ റെക്കോർഡ് തകരാൻ പോകുന്നു എന്നാണ് പുറത്തുവരുന്ന റിപ്പോർട്ടുകൾ സൂചിപ്പിക്കുന്നത്.

ടോട്ടന്‍ഹാമിന്റെ ഇംഗ്ലീഷ് സ്‌ട്രൈക്കര്‍ ഹാരി കെയ്‌നിന് 250 മില്ല്യണ്‍ യൂറോ നല്‍കി റയല്‍ മാഡ്രിഡിൽ എത്തിക്കാനാണ് നീക്കം. റയല്‍ മാഡ്രിഡ് പ്രസിഡന്റ് ഫ്‌ളോറന്റീനൊ പെരസ് ഇതിനെ സംബന്ധിച്ച് താൽപര്യം പ്രകടിപ്പിച്ചതായാണ് റിപ്പോർട്ട്.

ഹാരി കെയ്‌നിന്റെ മികവിലാണ് ടോട്ടന്‍ഹാമിന്റെ പ്രീമിയര്‍ ലീഗിലെയും ചാംപ്യന്‍ ലീഗിലെയും മുന്നേറ്റം. ഈ സീസണില്‍ ഇതുവരെ 12 മത്സരങ്ങളില്‍ നിന്ന് 13 ഗോളുകള്‍ നേടിയ താരം ദേശീയ ടീമിന് വേണ്ടിയും മികച്ച പ്രകടനമാണ് കാഴ്ചവെക്കുന്നത്. ഗരെത് ബെയ്ല്‍, ലൂക്ക മോഡ്രിച്ച് എന്നീ താരങ്ങളെ ടോട്ടന്‍ഹാമില്‍ നിന്നാണ് റയല്‍ സ്വന്തമാക്കിയിരുന്നത്. നേരത്തെ ടോട്ടന്‍ഹാമില്‍ നിന്നാണ് ഗരെത് ബെയ്ല്‍, ലൂക്ക മോഡ്രിച്ച് എന്നീ താരങ്ങളെ റയല്‍ സ്വന്തമാക്കിയത്.