റയൽ മാഡ്രിഡിന്റെ സൂപ്പർ താരം ക്രിസ്റ്റിയാനോ റൊണാൾഡോയെ സ്പാനിഷ് ലീഗില്‍ നിന്ന് വിലക്കണം എന്ന ആവശ്യവുമായി ഒരു കൂട്ടം ആളുകൾ രംഗത്ത്. സ്പാനിഷ് ലീഗിൽ ജിറോണയുമായുള്ള മത്സരത്തിനിടയിൽ എതിര്‍താരത്തിന്റെ മുഖത്തടിക്കുന്ന ഫോട്ടോ സോഷ്യല്‍ മീഡിയിയില്‍ പ്രചരിപ്പിച്ചാണ് താരത്തെ വിലക്കണം എന്ന ആവശ്യം ഉന്നയിക്കുന്നത്.

നേരത്തെ റഫറിയെ തള്ളിയതിന് റൊണാള്‍ഡോയ്ക്ക് അഞ്ച് മത്സരങ്ങളില്‍ വിലക്ക് ലഭിച്ചിരുന്നു. ഇതിനു പിന്നാലെയാണ് പുതിയ ആരോപണവുമായി ഒരു കൂട്ടം ആളുകൾ രംഗത്ത് വന്നിരിക്കുന്നത്. ജിറോണയുമായുള്ള മത്സരത്തില്‍ ഒന്നിനെതിരേ രണ്ടു ഗോളുകള്‍ക്ക് റയല്‍ മാഡ്രിഡ് പരാജയപ്പെട്ടതോടെ ബാഴ്‌സലോണയുമായി റയലിന്റെ പോയിന്റ് വ്യത്യാസം എട്ടായി ഉയര്‍ന്നു. ഇതുവരെ പത്ത് മത്സരങ്ങളില്‍ നിന്ന് ആറ് ജയവും രണ്ട് സമനിലയും രണ്ട് തോല്‍വിയുമായി 20 പോയിന്റാണ് റയലിനുള്ളത്.