കേരളത്തിന്റെ തട്ടകത്തിൽ നാളെ നടക്കുന്ന നിർണ്ണായക മത്സരത്തിൽ ബ്ലാസ്റ്റേഴ്സിന്റെ മലയാളി താരം റിനോ ആന്റോ കളിക്കില്ല. പരിക്ക് മൂലമാണ് റിനോക്ക് ബാംഗ്ലൂരിനെതിരായ നിർണായകമായ മത്സരം നഷ്ടമായത്. ചെന്നൈക്കെതിരെ നടന്ന മത്സരത്തിനിടെയാണ് റിനോക്ക് പരിക്കേറ്റത്.

ചെന്നൈക്കെതിരെയുള്ള മത്സരത്തിൻറെ 38ആം മിനിറ്റിലാണ് റിനോ ആന്റോക്ക് പരിക്കേറ്റത്. തുടർന്ന് റിനോയെ പിൻവലിക്കേണ്ടി വന്നു. എന്നാൽ പരിക്ക് ഗുരുതരമല്ലെന്നും അടുത്ത മത്സരത്തിൽ റിനോ തിരിച്ചെത്തുമെന്നും ബ്ലാസ്റ്റേഴ്‌സ് കോച്ച് വ്യക്തമാക്കി.