നാളെ നടക്കുന്ന കേരള ബ്ലാസ്റ്റേഴ്സ് ബെംഗളൂരു എഫ്‌സി പോരാട്ടത്തിന് മുന്നോടിയായി മഞ്ഞപ്പട പുറത്തു വിട്ട പോസ്റ്റർ ഇപ്പോൾ സോഷ്യൽ മീഡിയയിൽ വൈറലാണ്. കേരള ബ്ലാസ്‌റ്റേഴ്‌സിന്റെ ആരാധക കൂട്ടായ്മയാണ് മഞ്ഞപ്പട.  ഇന്ത്യന്‍ സൂപ്പര്‍ ലീഗിലെ രണ്ട് ആരാധക ശക്തികള്‍ നേര്‍ക്കുനേര്‍ വരുന്നു എന്ന പ്രത്യേകതയും ബ്ലാസ്റ്റേഴ്‌സ് ബെംഗളൂരു പോരാട്ടത്തിനുണ്ട്.

ബെര്‍ബ പാപ്പനും പിള്ളേരും തയാറായി എന്ന ക്യാപ്ഷനോടെ മഞ്ഞപ്പട ട്വിറ്ററില്‍ പങ്കുവെച്ച ചിത്രമാണ് ഇപ്പോൾ സോഷ്യൽ മീഡിയയിൽ തരംഗമായിരിക്കുന്നത്. ആട് എന്ന മലയാള ചിത്രത്തിലെ ഷാജിപ്പാപ്പനും പിള്ളേരുമെന്ന ഡയലോഗ് കടമെടുത്താണ് ബെര്‍ബറ്റോവിനെയും മറ്റു താരങ്ങളെയും ഉള്‍പ്പെടുത്തി ചിത്രം എഡിറ്റ് ചെയ്തിരിക്കുന്നത്. ബെര്‍ബറ്റോവ്, സികെ വിനീത്, ഇയാന്‍ ഹ്യൂം, വെസ് ബ്രൗണ്‍, സിഫ്‌നിയോസ്, സന്ദേശ് ജിങ്കന്‍ തുടങ്ങിയ താരങ്ങളെയും എഡിറ്റ് ചെയ്ത് ചേര്‍ത്തിട്ടുണ്ട്.