കേരള ബ്ലാസ്റ്റേഴ്സിന് കനത്ത തിരിച്ചടി; കോച്ച് റെനെ മ്യുലെൻസ്റ്റീൻ രാജി വെച്ചു
കേരള ബ്ലാസ്റ്റേഴ്സ് മുഖ്യ പരിശീലകൻ റെനെ മ്യുലെൻസ്റ്റീൻ രാജി വെച്ചു. വ്യക്തിപരമായ കാരണങ്ങളാണ് രാജിക്കു കാരണമെന്നാണു വിശദീകരണം. സീസണിൽ മോശം ഫോമിൽ തുടരുന്ന കേരള ബ്ലാസ്റ്റേഴ്സിന് കനത്ത തിരിച്ചടിയാണ് കൊച്ചിന്റെ രാജി. മാഞ്ചസ്റ്റർ യുണൈറ്റഡ് ടീമിന്റെ സഹപരിശീലകനായിരുന്നു റെനെ മ്യുലെൻസ്റ്റീൻ.
കഴിഞ്ഞ ദിവസം ബ്ലാസ്റ്റേഴ്സിന്റെ സ്വന്തം തട്ടകത്തിൽ നടന്ന മത്സരത്തില് ബംഗളൂരു എഫ്.സിക്കെതിരെ കനത്ത തോല്വി നേരിട്ടതിന് പിന്നാലെയാണ് റെനെ മ്യുലെൻസ്റ്റീൻ രാജി വെച്ചത്. ബ്ലാസ്റ്റേഴ്സിന്റെ സഹ പരിശീലകനായ താങ്ബോയ് സിങ്തോയ്ക്കാണ് കൊച്ചിന്റെ താൽക്കാലിക ചുമതല.സീസണിൽ ഒരു മത്സരത്തിൽ മാത്രമാണ് ബ്ലാസ്റ്റേഴ്സിന് ജയിക്കാനായത്.
ഐഎസ്എല്ലില് എട്ടാം സ്ഥാനക്കാരാണ് ബ്ലാസ്റ്റേഴ്സ് . ഇതിനെ തുടര്ന്ന് വലിയ വിമര്ശനമാണ് ടീം കോച്ചിനെതിരെ ഉയര്ന്നത്. വ്യക്തിപരമായ കാരണങ്ങളാലാണ് രാജി എങ്കിലും ടീമിന്റെ മൊത്തം പ്രകടനത്തില് താന് ഒട്ടും തൃപ്തനല്ലെന്ന് ടീം മാനേജ്മെന്റിനെ കോച്ച് അറിയിച്ചതായാണ് റിപ്പോര്ട്ട്.
https://www.facebook.com/Malayalivartha