ത്രിരാഷ്ട ഏകദിന പരമ്പരയിൽ ശ്രീലങ്കയെ തോൽപ്പിച്ച് സിംബാബ്‌വെ. 291 റണ്‍സ് ലക്ഷ്യം പിന്തുടര്‍ന്നിറങ്ങിയ ശ്രീലങ്ക 48.1 ഓവറില്‍ 278 റണ്‍സില്‍ ശ്രീലങ്ക ഓൾ ഔട്ടായി. ആദ്യം ബാറ്റ് ചെയ്ത സിംബാബ്‍വേ ഹാമിള്‍ട്ടണ്‍ മസകഡ്സയുടെയും (73), സിക്കന്ദര്‍ റാസയുടെയും(81) മികവിൽ 50 ഓവറില്‍ 6 വിക്കറ്റ് നഷ്ടത്തില്‍ 290 റണ്‍സ് നേടി. 38 റണ്‍സുമായി ബ്രണ്ടന്‍ ടെയിലറും 34 റണ്‍സ് നേടി സോളമന്‍ മിറും മികച്ച ബാറ്റിംഗ് കാഴ്ച്ചവെച്ചു.

മറുപടി ബാറ്റിങ്ങിനിറങ്ങിയ ശ്രീലങ്കക്ക് തുടക്കത്തില്‍ രണ്ട് വിക്കറ്റുകള്‍ നഷ്ടമായെങ്കിലും കുശല്‍ പെരേരയും ആഞ്ചലോ മാത്യൂസും ചേര്‍ന്ന് ടീമിനെ മികച്ച നിലയിലേക്ക് നയിക്കുകയായിരുന്നു. എന്നാല്‍ കുശല്‍ പെരേരയും(80) ആഞ്ചലോ മാത്യൂസും (42) പുറത്തായതോടെ സിംബാബ്‍വേ മത്സരത്തിലേക്ക് തിരിച്ചെത്തുകയായിരുന്നു.

തുടർന്ന് മികച്ച ബൗളിങ്ങിലൂടെ 278 റൺസിന്‌ ശ്രീലങ്കയെ പുറത്താക്കി. 12 റണ്‍സിന്റെ ജയം സിംബാബ്‍വേ സ്വന്തമാക്കി. സിംബാബ്‍വേക്ക് വേണ്ടി ടെണ്ടായി ചതാര നാലും ഗ്രെയിം ക്രെമര്‍, കൈല്‍ ജാര്‍വിസ് എന്നിവർ രണ്ട് വിക്കറ്റും നേടി.

.