ബ്ലാസ്റ്റേഴ്സ് ആരാധകർക്ക് നിരാശ; ബ്ലാസ്റ്റേഴ്സ് വിട്ട സിഫ്നിയോസ് എഫ്.സി ഗോവയിൽ
കേരള ബ്ലാസ്റ്റേഴ്സില് നിന്ന് കഴിഞ്ഞ ദിവസം റിലീസ് ചെയ്ത മാര്ക്ക് സിഫ്നിയോസിനെ എഫ് സി ഗോവ സ്വന്തമാക്കി. ഗോവ സ്ട്രൈക്കര് അഡ്രിയാന് കൊളുംഗയെ റിലീസ് ചെയ്ത ഒഴിവിലേക്കാണ് സിഫ്നിയോസ് എത്തിയത്. ഡച്ച് ക്ലബിലേക്കുള്ള ക്ഷണത്തെത്തുടർന്നാണ് താരം ബ്ലാസ്റ്റേഴ്സ് വിട്ടതെന്നായിരുന്നു സൂചനകൾ.
എന്നാൽ താരം ബ്ലാസ്റ്റേഴ്സ് വിട്ടതിനു തൊട്ടു പിന്നാലെ ഗോവ മാനേജ്മെന്റ് താരത്തെ സ്വന്തമാക്കാനായി ശ്രമങ്ങൾ ആരംഭിച്ചു. കഴിഞ്ഞ ദിവസം ഇതിനെ സംബന്ധിച്ച സൂചനകൾ ലഭിച്ചിരുന്നെങ്കിലും ഔദ്യോഗിക അറിയിപ്പുകൾ ഒന്നും ഉണ്ടായിരുന്നില്ല. എന്നാൽ ഇന്ന് വൈകിട്ടോടെ എഫ് സി ഗോവയുടെ ഔദ്യോഗിക ഫേസ്ബുക്ക് പേജിലൂടെ സിഫ്നിയോസ് എഫ് സി ഗോവയിലെത്തിയെന്ന് അറിയിച്ചു.
ഈ സീസണിൽ കേരള ബ്ലാസ്റ്റേഴ്സിന്റെ ആദ്യ ഗോൾ നേടിയ സിഫ്നിയോസ് ആകെ നാല് ഗോളുകൾ നേടി ടീമിന്റെ നിർണായക ഘടകമായിരുന്നു. സിഫ്നിയോസ് ഗോവയിൽ എത്തിയതോടെ ബ്ലാസ്റ്റേഴ്സ് ആരാധകരും നിരാശയിലാണ്.
https://www.facebook.com/Malayalivartha