പ്ലേ ഓഫ് ലക്ഷ്യമിട്ട് ചെന്നൈയിൻ ഇന്ന് ഡൽഹിക്കെതിരെ
ഐഎസ്എല്ലിൽ ഇന്ന് ചെന്നൈയിൻ ഡൽഹിയെ നേരിടും. കഴിഞ്ഞ മത്സരത്തിൽ ബെംഗളൂരു എഫ്.സിയോട് കനത്ത തോൽവിയേറ്റുവാങ്ങിയ ശേഷമാണ് ചെന്നൈയിൻ ഡൽഹിക്കെതിരെ ഇറങ്ങുന്നത്. പ്ലേ ഓഫ് സാധ്യതകൾ നിലനിർത്താൻ ചെന്നൈയിന് ഇന്നത്തെ മത്സരം നിർണ്ണായകമാണ്.
കഴിഞ്ഞ മത്സരം ജംഷഡ്പൂർ ജയിച്ചതോടെ ചെന്നൈയിൻ നാലാം സ്ഥാനത്തേക്ക് പിന്തള്ളപ്പെട്ടു. ഇന്നത്തെ മത്സരം വിജയിച്ചാൽ ചെന്നൈയിന് രണ്ടാം സ്ഥാനത്തെത്താം. ലീഗിൽ 6 മത്സരങ്ങൾ ബാക്കിയുള്ള ഡൽഹിയുടെ പ്ലേ ഓഫ് സാധ്യതകൾ അവസാനിച്ചതാണ്. 12 മത്സരങ്ങളിൽ നിന്ന് വെറും 7 പോയിന്റ് മാത്രമാണ് ഡൽഹിക്കുള്ളത്. ചെന്നൈയിൽ വെച്ച് നടന്ന ആദ്യപാദ മത്സരത്തിൽ ചെന്നൈയിനെ 2-2ന് ഡൽഹി സമനിലയിൽ തളച്ചിരുന്നു.
https://www.facebook.com/Malayalivartha