യുവേഫ ചാമ്പ്യന്‍സ് ലീഗില്‍ ക്രിസ്റ്റ്യാനോ റൊണാള്‍ഡോയുടെ ഇരട്ട ഗോളിന്റെ മികവില്‍ ഫ്രഞ്ച് വമ്പന്മാരായ പി എസ് ജിയെ 3-1 ന് തകര്‍ത്ത് റയല്‍ മാഡ്രിഡിന് വിജയം. 33ാം മിനിറ്റില്‍ റബിയോട്ടയുടെ ഗോളിലൂടെ പി എസ് ജി ആയിരുന്നു ആദ്യം മുന്നിലെത്തിയത്. എന്നാല് 45ആം മിനിറ്റില്‍ ക്രിസ്റ്റ്യാനോറൊണാള്‍ഡോയുടെ ഗോളിലൂടെ റയല്‍ തിരിച്ചടിച്ചു.

ആദ്യ പാദത്തില്‍ 11 എന്ന നിലയിലായിരുന്നു ഒരു ടീമും. രണ്ടാം പാതിയില്‍ മികച്ച രീതിയില്‍ കളിച്ചു കൊണ്ടിരുന്ന പി എസ് ജീ യെ തകര്‍ത്ത് കൊണ്ട് റൊണാള്‍ഡോ 83 ആം മിനിറ്റില്‍ വല കുലുക്കി. അവിടം കൊണ്ടും നിര്‍ത്താതെ 86 ആം മിനിറ്റില്‍ മര്‍സലോയിലൂടെ മൂന്നാം ഗോളും അടിച്ച് ജയം റയല്‍ സമ്പൂര്‍ണമാക്കി.

ഇന്ന് നേടിയ ഇരട്ട ഗോളിലൂടെ ഒരു ക്ലബിന് വേണ്ടി 100 ഗോള്‍അടിക്കുന്ന ആദ്യ താരവുമായി റൊണാള്‍ഡോ. അവസാന മിനിട്ടുകളില്‍ നെയ്മര്‍ ചില മിന്നല്‍ നീക്കങ്ങള്‍ നടത്തിയെങ്കിലും ഗോളായില്ല. ബോള്‍ പോസാഷനിലും പി എസ് ജി ആയിരുന്നു മുന്നില്‍. നെയ്മര്‍ റയലിലേക്ക് വരുമെന്ന വാര്‍ത്തകള്‍ നിലനില്‍ക്കുമ്പോഴാണ് ഇരു ടീമുകളും ഏറ്റുമുട്ടുന്നത്.